![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
26வது பிறந்தநாளை தந்தையுடன் கொண்டாடிய திலீப் மகள் ; தாயுடன் பத்து வருடமாக பாராமுகம்
மார் 26, 2026
Advertisement
மலையாள நடிகர் திலீப் 90களில் நடித்து வந்த காலகட்டத்தில் தன்னுடன் இணைந்து நடித்த நடிகை மஞ்சு வாரியரை காதலித்து திருமணம் செய்து கொண்டார். இவர்களுக்கு மீனாட்சி என்ற மகளும் பிறந்தார். கடந்த 2016ல் திலீப், மஞ்சு வாரியார் இருவருக்கும் ஏற்பட்ட கருத்து வேறுபாடு காரணமாக விவாகரத்து செய்து பிரிந்தனர். அதன்பிறகு நடிகர் திலீப் தன்னுடன் நடித்த இன்னொரு நடிகையான காவ்யா மாதவனை திருமணம் செய்து கொண்டார். இவர்களுக்கு மகாலட்சுமி என்கிற பெண் குழந்தையும் உண்டு.
அதேசமயம் மஞ்சு வாரியர் தற்போது தனியாகவே வசித்து வருகிறார். இத்தனைக்கும் தனது தந்தை திலீப், தாய் மஞ்சு வாரியாருடன் எப்போது பிரிந்தாரோ அப்போதிருந்தே தந்தையுடன் தான் வசித்து வருகிறார் மகள் மீனாட்சி. அப்போது பள்ளி செல்லும் சிறுமியாக இருந்தவர் தற்போது டாக்டர் படிப்பை முடித்து தனது 26வது பிறந்த நாளையும் தற்போது அயர்லாந்தில் தனது தந்தை திலிப்புடன் கொண்டாடியுள்ளார்.
ஆனால் இந்த பத்து வருட காலகட்டத்தில் தனது தாய் மஞ்சு வாரியரை அவர் ஒரு முறை கூட சந்தித்ததில்லை. சந்தித்தது போன்ற ஒரு புகைப்படமோ அல்லது செய்தியோ கூட வெளியாகவில்லை. அதேபோல தனது மகள் மீனாட்சிக்கு இத்தனை வருடங்களில் எந்த ஒரு பிறந்தநாளுக்கும் மஞ்சு வாரியர் வாழ்த்து சொன்னதாகவும் செய்தி எதுவும் இல்லை. அந்த வகையில் இருவருமே கடந்த 10 வருடங்களாக ஒருவருக்கொருவர் பாராமுகம் காட்டி வருகின்றனர் என்பது வியப்பிற்குரிய விஷயம் தான்.
வாசகர்கள் கருத்துகள்
முதல் நபராக கருத்து தெரிவியுங்கள்!