![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
மம்முட்டியின் களம்காவல் படம் சர்வதேச வசூலில் புதிய சாதனை
டிச 21, 2025
Advertisement
கடந்த சில நாட்களுக்கு முன்பு மலையாளத்தில் மம்முட்டி நடிப்பில் ‛களம் காவல்" என்கிற திரைப்படம் வெளியானது. ஜித்தின் கே.ஜோஸ் என்பவர் இயக்கிய இந்த படத்தில் மோகன்லால் பெண்களை ஏமாற்றி தொடர்ச்சியாக கொலை செய்யும் ஒரு சீரியல் கில்லர் கதாபாத்திரத்தில் நடித்திருந்தார். இதுநாள் வரை வில்லன் நடிகராக நடித்து வந்த விநாயகன் இதில் கதாநாயகனாக நடித்திருக்கிறார். இந்த படத்தை மம்முட்டியே தயாரித்துள்ளார். படம் வெளியான நாளிலிருந்து டீசண்டான வரவேற்பை பெற்று வருகிறது.
இந்திய அளவில் 40 கோடி வசூலித்துள்ள இந்த படம் வெளிநாடுகளில் மட்டும் அதற்கு இணையாக 38.5 கோடி வசூலித்துள்ளது. இதற்கு முன்பு அதாவது கொரோனா காலகட்டத்திற்கு முன்பு வெளிநாடுகளில் வெளியான மம்முட்டியின் படங்கள் செய்த வசூலை கொரோனாவுக்குப் பிறகு தற்போது தான் களம்காவல் வசூல் ஓவர்டேக் செய்துள்ளது. அது மட்டுமல்ல இதுவரை வெளிநாட்டு வசூலில் முன்னணி இடம் பிடித்துள்ள ‛லோகா சாப்டர் 1 ; சந்திரா", ‛எல் 2 ; எம்புரான்", ‛தொடரும்" மற்றும் ‛டயஸ் இரே" ஆகிய படங்களைத் தொடர்ந்து இந்த படம் ஐந்தாவதாக அந்த பட்டியலில் இணைந்துள்ளது.
வாசகர்கள் கருத்துகள்
முதல் நபராக கருத்து தெரிவியுங்கள்!