![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
லேடீஸ் அண்ட் ஜென்டில்மேன் படத்தை இலவசமாக யுடியூபில் வெளியிட்ட மோகன்லால்
ஜூன் 11, 2025
Advertisement
கடந்த பல வருடங்களுக்கு முன்பு மோகன்லால் நடித்த சூப்பர் ஹிட் படங்கள், சமீபகாலமாக டிஜிட்டலுக்கு மாற்றப்பட்டு ரீ ரிலீஸ் செய்யப்பட்டு ரசிகர்களின் வரவேற்பை பெற்று வருகின்றன. கடந்த ஏப்ரலில் மோகன்லால் நடிப்பில் வெளியான "தொடரும்" திரைப்படத்தின் வெற்றியைத் தொடர்ந்து, மோகன்லால் கடந்த 2009ல் நடித்த "சோட்டா மும்பை" திரைப்படம் கடந்த சில தினங்களுக்கு முன்பு ரீ ரிலீஸ் செய்யப்பட்டது. அந்தப் படமும் ரசிகர்களிடம் வரவேற்பை பெறவே, மோகன்லாலின் பழைய படங்களை பார்க்க வேண்டும் என்கிற ஆவல் ரசிகர்களிடம் அதிகரித்துள்ளது.
இந்த நிலையில் மோகன்லால் தனது ரசிகர்களுக்காக ஒரு காரியம் செய்துள்ளார். கடந்த 2013ல் சித்திக் இயக்கத்தில் தான் நடித்த "லேடீஸ் அண்ட் ஜென்டில்மேன்" என்கிற படத்தை தற்போது தனது ஆசிர்வாத் சினிமாஸ் யுடியூப் சேனலில் வெளியிட்டுள்ளார் மோகன்லால். ரசிகர்கள் இதை கட்டணம் செலுத்தாமல் இலவசமாக பார்த்து ரசிக்கலாம். இந்த படத்தில் மோகன்லாலுடன் பிரியாமணி, பத்மப்ரியா, மம்தா மோகன்தாஸ் மற்றும் மித்ரா குரியன் ஆகியோர் கதாநாயகிகளாக நடித்திருந்தனர்.
வாசகர்கள் கருத்துகள்
முதல் நபராக கருத்து தெரிவியுங்கள்!