காலில் அடிபட்ட நடிகருக்காக லூசிபர் படத்தில் மாற்றம் செய்த பிரித்விராஜ்

கடந்த 2019ல் நடிகர் பிரித்விராஜ் இயக்குனராக மாறி "லூசிபர்" என்கிற படத்தை இயக்கினார். மோகன்லால் நடிப்பில் உருவான இந்த படம் மிகப்பெரிய வெற்றியை பெற்றது. அதைத் தொடர்ந்து தற்போது அந்த படத்தின் இரண்டாம் பாகம் "எம்புரான்" என்கிற பெயரில் தயாராகியுள்ளது. வரும் மார்ச் 27ம் தேதி இந்த படம் ரிலீஸ் ஆக இருக்கிறது. இந்த படத்தில் நடித்துள்ள முக்கியமான கதாபாத்திரங்கள் ஒவ்வொருவரையும் அவர்களது கதாபாத்திர போஸ்டர்களுடன் தினசரி அறிமுகப்படுத்தி வருகின்றனர்.

அந்த வகையில் அரசியல் பின்னணியில் உருவாகியுள்ள இந்த படத்தில் முதல்வருக்கு அடுத்த இடத்தில் இருக்கும் முக்கிய அரசியல்வாதியாக முக்கியத்துவம் வாய்ந்த கதாபாத்திரத்தில் வில்லன் நடிகர் சாய்குமார் நடித்திருந்தார். தற்போது இந்த இரண்டாம் பாகத்திலும் அவர் நடித்திருக்கிறார் என்பதை அவரது கதாபாத்திர போஸ்டரை வெளியிட்டு உறுதிப்படுத்தியுள்ளனர் எம்புரான் படக்குழுவினர்.

அதே சமயம் லூசிபர் படத்தில் தான் நடிக்க முடியாமல் போகும் சூழல் ஏற்பட்டதையும் நான் நடித்தே ஆக வேண்டும் என்பதற்காக பிரித்விராஜ் கதாபாத்திரத்தில் செய்த மாற்றத்தையும் தற்போது ஒரு வீடியோ ஒன்றில் பேசியுள்ளார் நடிகர் சாய்குமார். படத்தில் நடிப்பதற்காக தயாரிப்பு நிறுவனம் தன்னை அணுகிய போது தனக்கு காலில் அடிபட்டுள்ளதால் நடிக்க முடியாது என மறுத்துவிட்டாராம் சாய்குமார். அதன் பிறகு இயக்குனரான பிரித்விராஜ் அவருடன் தொடர்பு கொண்டு எதற்காக மறுக்கிறீர்கள் என்று காரணம் கேட்டபோது தனக்கு காலில் அடிபட்டு உள்ளதால் இயல்பாக நடக்க முடியாது என்றும் தனது கதாபாத்திரத்திலும் அது பிரதிபலிக்கும் என்பதால் தான் நடிக்க மறுத்தேன் என்றும் கூறியுள்ளார்.

உடனே பிரித்விராஜ் நீங்கள் நடக்க முடியாமல் காலை தாங்கி தாங்கி நடந்து வந்தால் உங்கள் கதாபாத்திரத்தை அதேபோலவே வைத்து விடுவேன். நீங்கள் வீல் சேரில் தான் நடமாடுகிறீர்கள் என்கிற நிலை இருந்தால் படத்தில் உங்களது கதாபாத்திரத்தையும் அதே போல மாற்றி விடுவேன். ஆனால் நீங்கள் தான் அந்த கதாபாத்திரத்தில் நடிக்கிறீர்கள் என கூறி லூசிபர் படத்தில் சாய்குமாரை நடிக்க வைத்தாராம். பிரித்விராஜின் தந்தை சுகுமாரனும் நானும் நண்பர்கள் என்பதால் என் மீது எப்போதுமே பிரியம் வைத்துள்ளவர் பிரித்விராஜ். எனக்காக கதாபாத்திரத்தில் மாற்றம் கொண்டு வந்தது அவரது பெருந்தன்மை என்று கூறியுள்ளார் சாய்குமார்.

You May Like

காலில் அடிபட்ட நடிகருக்காக லூசிபர் படத்தில் மாற்றம் செய்த பிரித்விராஜ்

தொடர்புடைய & மேலும் செய்திகள்

பாலகிருஷ்ணா படத்தில் இதுவரை நடித்திராத கதாபாத்திரத்தில் காஜல் அகர்வால்!

மலையாள நடிகர் சங்க தலைவர் பதவியை ராஜினாமா செய்தது ஏன் - ஸ்வேதா மேனன் விளக்கம்

நடிகர் சலீம் குமாருக்கு ஒரு கோடி மதிப்பில் எர்ணாகுளத்தில் நினைவிடம்

Rangaraj Pandey Speech Lakshmikanthan Kolai Vazhakku Audio Launch

ரோமியோ பிக்சர்ஸ் புதிய பட அறிவிப்பு நிகழ்ச்சியில் இசையமைப்பாளர் யுவன் சங்கர் ராஜா

Virat Karrna, Nabha Natesh Speech Nagabandham Press Meet

Meera Kathiravan Emotional Speech Habeebi Success Meet

மேடையில் எமோஷனல் ஆனா பேசிய கஸ்தூரிராஜா | Kasthuri Raja Speech Habeebi Success Meet

ஆர்யாவின் அனந்தன் காடு படத்திற்கு ஏ சான்றிதழ்

11 ஆண்டுகளுக்கு பிறகு மீண்டும் இணையும் அல்போன்ஸ் புத்ரன் - நிவின்பாலி

பிரித்விராஜின் தாய்ரா ஹிந்தி படம் செப்டம்பர் 18ல் ரிலீஸ்!

பாலிவுட் நிறுவனத்தின் அடுத்தடுத்த 2 படங்களில் ஒப்பந்தமான பஹத் பாசில்

தான் நடித்த படத்தின் டைட்டிலிலேயே 8 ஆண்டு கழித்து மீண்டும் நடிக்கும் மஞ்சு வாரியர்

திரில்லர் ஜானரில் இருந்து குடும்ப கதைக்குத் தாவும் ஜீத்து ஜோசப்

ஹாட் குயின்... பிரக்யா ஜெய்ஸ்வால்

பூக்களே ஓய்வெடுங்கள்... : கங்கனா

வாசகர்கள் கருத்துகள்