மலையாள இசை அமைப்பாளர் திடீர் திருமணம் : நீண்டநாள் காதலியை மணந்தார்

மலையாள சினிமாவின் இளம் இசையமைப்பாளர் சுஷின் ஷ்யாம். 2016ம் ஆண்டு வெளியான "கிஷ்மத்" படத்தின் மூலம் இசையமைப்பாளராக அறிமுகமானார். தொடர்ந்து கும்பளாங்கி நைட்ஸ், வைரஸ், அஞ்சாம் பதிரா, ட்ரான்ஸ், மாலிக், மின்னல்முரளி, பீஷ்ம பருவம், ரோமாஞ்சம், கண்ணூர் ஸ்குவாட், மஞ்சும்மேல் பாய்ஸ், போகைன் வில்லாஉள்ளிட்ட பல படங்களுக்கு இசை அமைத்துள்ளார்.

இந்நிலையில் தனது நீண்டநாள் காதலியான உத்ரா கிருஷ்ணனை திருமணம் செய்து கொண்டார். நெருங்கிய உறவினர்கள், நண்பர்கள் மட்டுமே கலந்து கொண்ட இந்த திருமணத்தில் பஹத் பாசில், நஸ்ரியா, பார்வதி, ஜெயராம், காளிதாஸ் ஜெயராம் உள்ளிட்டோர் கலந்து கொண்டு மணமக்களை வாழ்த்தினர். உத்ரா கிருஷ்ணன் நடிகை பார்வதி ஜெயராமின் உறவினர்.