![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
நடிகர் டி.பி மாதவன் மறைவு ; 30 வருடமாக பிரிந்து இருந்த மகன் நேரில் இறுதி அஞ்சலி
அக் 11, 2024
Advertisement
88 வயதான பிரபல மூத்த மலையாள நடிகர் டிபி மாதவன் நேற்று முன்தினம் வயது மூப்பு காரணமாக காலமானார். தனது 50 வருட சினிமா வாழ்க்கையில் கிட்டத்தட்ட 600 படங்களுக்கு மேல் நடித்துள்ள அவர், மலையாள நடிகர் சங்கம் ஆரம்பிக்கப்பட்ட போது அதன் முதல் பொதுச் செயலாளராகவும் பொறுப்பு வகித்தவர். கடந்த சில வருடங்களாகவே படங்களில் நடிப்பதை குறைத்துக் கொண்டு கேரளாவில் பத்தினாபுரத்தில் உள்ள ஆதரவற்றோர் புகலிடமான காந்தி பவனில் தன் வாழ்க்கையை கழித்து வந்தார் டி.பி மாதவன். இவருக்கு ஒரு மகன், ஒரு மகள் இருக்கின்றனர்.
பாலிவுட் இயக்குனரான ராஜா கிருஷ்ண மேனன் இவரது மகன் தான். ஆனால் குடும்ப பிரச்னை காரணமாக கிட்டத்தட்ட 30 வருடங்களுக்கு முன்பே அதாவது மகன் இரண்டரை வயதில் இருக்கும்போதே குடும்பத்தினர் இவரை விட்டு பிரிந்து சென்று விட்டனர்.
இப்போது வரை தனியாக வசித்து வந்த டிபி மாதவனுக்கு எப்படியேனும் தன் மகனை ஒரு முறை பார்த்து விட வேண்டும் என்பது கடைசி ஆசையாக இருந்தது. ஆனால் அது நிறைவேறாமலேயே அவர் இறந்து விட்டார். இந்த நிலையில் இத்தனை வருடங்களாக தந்தையை பிரிந்து இருந்த அவரது மகன் ராஜா கிருஷ்ண மேனனும் அவரது தங்கை தேவிகாவும் நேற்று திருவனந்தபுரத்தில் நடைபெற்ற டி.பி மாதவனின் இறுதிச்சடங்கில் நேரில் கலந்துகொண்டு தங்களது தந்தைக்கு இறுதி அஞ்சலி செலுத்தினர்.
வாசகர்கள் கருத்துகள்
முதல் நபராக கருத்து தெரிவியுங்கள்!