18 வருடங்களுக்கு பிறகு ரீ ரிலீஸ் ஆகும் பொம்மரிலு

சமீப காலமாக மிகப்பெரிய ஹீரோக்களின் பழைய படங்களை ரிலீஸ் செய்யும் கலாச்சாரம் தெலுங்கு திரை உலகையும் விட்டு வைக்கவில்லை. அப்படி முன்னணி நடிகர்களின் படங்கள் மட்டுமே ரீ ரிலீஸ் செய்யப்பட்டு வந்த நிலையில் தற்போது வேறு நடிகர்கள் நடித்த ஹிட் அடித்த படங்களையும் ரீ ரிலீஸ் செய்ய துவங்கியுள்ளனர். அந்த வகையில் கடந்த 2006ல் சித்தார்த் ஜெனிலியா நடிப்பில் வெளியான பொம்மரிலு திரைப்படம் வரும் செப்டம்பர் 21ம் தேதி டிஜிட்டலுக்கு மாற்றப்பட்டு ரீ ரிலீஸ் ஆக இருக்கிறது.

செல்வராகவனின் உதவி இயக்குனரான பாஸ்கர் என்பவர் தெலுங்கில் முதன்முறையாக இந்த படத்தின் மூலம் இயக்குனராக அறிமுகமானார். அதன் பிறகு அவர் பொம்மரிலு பாஸ்கர் என்றே அழைக்கப்பட்டு வருகிறார். அந்த அளவிற்கு இந்த படம் அங்கே மிகப்பெரிய வெற்றியை பெற்றது. அதன் பின்னர் தமிழில் இந்த படம் சந்தோஷ் சுப்ரமணியம் என்கிற பெயரில் அதே ஜெனிலியா மற்றும் ஜெயம் ரவி கூட்டணியில் வெளியாகி இங்கேயும் மிகப்பெரிய வரவேற்பு பெற்றது குறிப்பிடத்தக்கது.