![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
ராமர் கோவில் கும்பாபிஷேகத்தில் மோகன்லால் கலந்துகொள்ளாதது ஏன்?
ஜன 26, 2024
Advertisement
உத்தர பிரதேசத்தின் அயோத்தியில் ராமர் கோவில் பிராண பிரதிஷ்டை விழா கடந்த 22ம் தேதி நடைபெற்றது. விழாவில் பிரதமர் மோடி, குழந்தை வடிவிலான ராமர் சிலைக்கு பிராண பிரதிஷ்டை செய்தார். இந்த விழாவில் பங்கேற்க நடிகர் ரஜினிகாந்த், தனுஷ், சிரஞ்சீவி, மோகன்லால், அமிதாப் பச்சன், ரன்பீர் கபூர், ரந்தீப் ஹூடா, மாதுரி தீக்ஷித், விக்கி கவுஷல், பாடகர் சங்கர் மகாதேவன், சோனு நிகம், ஆலியா பட், கத்ரீனா கைப், கங்கனா ரனாவத் என பல சினிமா நட்சத்திரங்களுக்கு அழைப்பு விடுக்கப்பட்டது.
இதில் பலரும் நிகழ்ச்சியில் பங்கேற்றனர். காஷ்மீர் பைல்ஸ் இயக்குனர் விவேக் அக்னிகோத்ரி, தவிர்க்க முடியாத காரணத்தால் பங்கேற்க முடியவில்லை என தனது வருத்தத்தை தெரிவித்திருந்தார். இந்த நிலையில், மலையாள நடிகர் மோகன்லால், அழைப்பு விடுத்தும் விழாவில் பங்கேற்கவில்லை என தெரியவந்துள்ளது.
மோகன்லால், தற்போது தான் நடித்துள்ள "மலைக்கோட்டை வாலிபன்" படத்தை விளம்பரம் செய்து வருகிறார். பட விளம்பர நிகழ்ச்சியில் பிசியாக இருப்பதால் அவரால் ராமர் கோவில் கும்பாபிஷேகத்தில் கலந்து கொள்ள முடியவில்லை என்ற தகவல் வெளியாகியுள்ளது.
வாசகர்கள் கருத்துகள்
முதல் நபராக கருத்து தெரிவியுங்கள்!