பொங்கலுக்கு வெளியாகும் பவன் கல்யாண் படம்

நடிகர் பவன் கல்யாண் தற்போது "ஓ.ஜி" படத்தில் நடித்து வருகிறார். இதற்கிடையில் இயக்குனர் ஹரிஷ் சங்கர் இயக்கத்தில் "உஸ்தாத் பகத் சிங்" படத்தில் நடித்து வந்தார். ஸ்ரீ லீலா இந்த படத்தில் ஒரு கதாநாயகியாக நடிக்கிறார். மற்றொரு கதாநாயகி கதாபாத்திரத்தில் நடிக்க இன்னும் யாரும் ஒப்பந்தம் ஆகவில்லை. மைத்ரி மூவி மேக்கர்ஸ் தயாரிக்கும் இப்படத்திற்கு தேவிஸ்ரீ பிரசாத் இசையமைக்கிறார். சில மாதங்களுக்கு முன்பு இந்த படத்தின் பர்ஸ்ட் லுக் மற்றும் க்ளிம்ஸ் வீடியோ வெளியானது.

சமீபத்தில் பவன் கல்யாண் வருகின்ற தேர்தலுக்கான பிரச்சாரத்தில் ஈடுபட உள்ளதால் உஸ்தாத் பகத் சிங் படத்தின் படப்பிடிப்பை தள்ளி வைக்க முடிவு செய்துள்ளதாக தகவல்கள் வெளியானது. இந்த நிலையில் இப்போது கிடைத்திருக்கும் தகவலின் படி, பவன் கல்யாண் சம்மந்தப்பட்ட காட்சிகளை விரைந்து படமாக்க முடிவு செய்துள்ளனர். அதன் பிறகு மற்ற நடிகர், நடிகைகள் சம்மந்தப்பட்ட காட்சிகளை படமாக்கி 2024 பொங்கலுக்கு இப்படத்தை வெளியிட படக்குழுவினர் முடிவு செய்துள்ளதாக தகவல் வெளியாகியுள்ளது.