பிரித்விராஜூடன் லிப் லாக் காட்சியில் நடித்த அமலாபால்!

மலையாளத்தில் தேசிய விருது பெற்ற இயக்குனர் பிளஸ்ஸி இயக்கத்தில் பிருத்விராஜ், அமலாபால் இணைந்து நடித்துள்ள படம் ஆடு ஜீவிதம். இந்த படத்திற்கு ஏ .ஆர். ரகுமான் இசையமைத்திருக்கிறார். மிகவும் மாறுபட்ட கெட்டப்பில் பிருத்விராஜ் நடித்துள்ள இந்த படம் சர்வதேச விழாக்களிலும் திரையிடப்பட இருப்பதோடு, இந்த படத்தில் பிருத்விராஜின் நடிப்புக்கு தேசிய விருது கிடைக்கும் என்ற தகவல்களும் வெளியாகியுள்ளன. தற்போது இப்படத்தின் ட்ரெய்லர் வெளியாகி இருக்கிறது. அதில் ஒரு காட்சியில் பிருத்விராஜூம், அமலா பாலும் லிப்லாக் காட்சியில் நடித்துள்ளார்கள். இந்த காட்சி சோசியல் மீடியாவில் வைரலாகி வருகிறது. ஐந்து வருடங்களுக்கு மேலாக கேரளா மற்றும் அரபு நாடுகளில் பல இடங்களில் படமாக்கப்பட்டு கடந்த வருடம் ஒரு வழியாக இந்த படத்தின் படப்பிடிப்பு நிறைவு பெற்றது. இந்த படத்தை இந்த வருடம் அக்டோபர் மாதம் ரிலீஸ் செய்ய திட்டமிட்டுள்ளார்கள்.