விருதுகளை குவித்த படம் 24ம் தேதி வெள்ளித்திரையில்

கமர்ஷியல் படங்களுக்கு மத்தியில் உலகம் முழுவதும் எண்ணற்ற திரைவிழாக்களில் கலந்து கொண்டு 24 சர்வதேச விருதுகளை வென்று சாதனை படைத்திருக்கிறது சின்னஞ்சிறு கிளியே. ஒரு தந்தைக்கும் மகளுக்கும் உள்ள பிணைப்பையும் அன்பையும் மனதை உருக்கும் வகையில் சொல்லும் படம்.

அத்துடன் மருத்துவ துறையில் புகுந்திருக்கும் வியாபார ரீதியிலான கார்பரேட் வணிகத்தையும் வெளிச்சம் போட்டு காட்டுகிறபடம். இதனை செண்பா கிரியேஷன்ஸ் சார்பில் செந்தில்நாதன் தயாரித்து, நடித்துள்ளார். சபரிநாதன் முத்துப்பாண்டியன் இயக்கியுள்ளார்.

கரகாட்டக்காரன் புகழ், மறைந்த நடிகர் சண்முகசுந்தரத்தின் மகன் பாலாஜி சுந்தரம் இப்படத்தின் மூலம் நடிகராக அறிமுகமாகியுள்ளார். ஒளிப்பதிவு பாண்டியன், இசை மஸ்தான் காதர், உலக ரசிகர்களின் பாராட்டுக்களை குவித்த இப்படம் வருகிற 24ம் தேதியன்று தியேட்டர்களில் வெளியாகிறது.