களைகட்டிய ரம்யா கிருஷ்ணன் பிறந்தநாள் பார்டி - திரண்ட நட்சத்திரங்கள்

தென்னிந்திய சினிமாவில் பிரபலமான நடிகையாக இருப்பவர் ரம்யா கிருஷ்ணன். படையப்பா, பாகுபலி போன்ற படங்கள் இவரை மிகவும் பிரபலப்படுத்திய படங்கள். இயக்குனர் கிருஷ்ண வம்சியை திருமணம் செய்த இவர் இப்போது சினிமாவிலும், சின்னத்திரை மற்றும் டிவி ரியாலிட்டி ஷோக்களிலும் பிஸியாக வலம் வருகிறார். 51 வயதை கடந்துவிட்ட ரம்யா கிருஷ்ணன் நேற்று தனது பிறந்தநாளை கொண்டாடினார்.

கணவர் மற்றும் தனது மகன் உள்ளிட்ட குடும்பத்தினர் உடன் பிறந்தநாளை கொண்டாடிய ரம்யா, தனது தோழிகள் மற்றும் திரையுலக பிரபலங்களுக்காக தனி பார்ட்டி ஒன்றும் கொடுத்தார். இதில் தமிழ், தெலுங்கில் உள்ள பிரபல நட்சத்திரங்கள் பங்கேற்றனர். குறிப்பாக திரிஷா, குஷ்பு, மதுபாலா, ராதிகா, லிஸி, பிருந்தா, சுரேஷ் சக்ரவர்த்தி, உமா ரியாஸ் உள்ளிட்ட பலர் கலந்து கொண்டனர். ரம்யா கிருஷ்ணனின் பிறந்தநாள் பார்ட்டி தொடர்பான போட்டோ, வீடியோக்கள் சமூகவலைதளங்களில் வைரலாகின.