அம்மு அபிராமிக்கு கொரோனா

விஜய் நடித்த பைரவா படத்தில் குழந்தை நட்சத்திரமாக அறிமுகமானவர் அம்மு அபிராமி. அதை தொடர்ந்து தீரன் அதிகாரம் ஒன்று, தானா சேர்ந்த கூட்டம், ராட்சசன், என் ஆளோட செருப்ப காணோம், துப்பாக்கி முனை ஆகிய படங்களில் நடித்தார். அசுரன் படத்தில் தனுஷ் ஜோடியாக நடித்தார். தற்போது நவரசா வெப் சீரிசில் நடித்து வருகிறார்.

கடந்த சில நாட்களுக்கு முன்பு அம்மு அபிராமிக்கு திடீர் காய்ச்சல் ஏற்பட்டது. டாக்டர்கள் ஆலோசனைப்படி கொரோனா பரிசோதனை செய்து பார்த்ததில் அவருக்கு கொரோனா தொற்று பாசிடடிவ் என்று வந்தள்ளது. இதுகுறித்து அவர் டுவிட்டரில் வெளியிட்டுள்ள பதிவில் கூறியிருப்பதாவது: எனக்கு காய்ச்சல் அறிகுறிகள் இருந்தன. இதையடுத்து கொரோனா பரிசோதனை செய்து கொண்டேன். அப்போது எனக்கு கொரோனா தொற்று இருப்பது உறுதியானது.

இதையடுத்து மருத்துவர் ஆலோசனைப்படி வீட்டில் என்னை தனிமைப்படுத்திக் கொண்டேன். தேவையான மருந்துகளும் எடுத்து வருகிறேன். முன்பை விட வலிமையாக திரும்பி வருவேன். பாதுகாப்பாக இருங்கள். அதிக கவனம் எடுத்துக் கொள்ளுங்கள். என்று கூறியுள்ளார்.