விஜய் 65 படத்தை கைப்பற்றும் பூஜா ஹெக்டே

2012ல் மிஷ்கின் இயக்கிய முகமூடி படத்தில் ஜீவாவிற்கு ஜோடியாக அறிமுகமானவர் தான் பூஜா ஹெக்டே. ஆனால் அதன்பிறகு தமிழில் படங்கள் இல்லாததால் தெலுங்கு, ஹிந்தி என்று நடிக்கத் தொடங்கிய பூஜா, தற்போது முன்னணி நடிகை பட்டியலில் இணைந்து விட்டார். டோலிவுட்டில் இவரது மார்க்கெட் உச்சத்தில் இருக்கிறது.

இந்நிலையில், மீண்டும் தமிழில் என்ட்ரி கொடுக்க சரியான சந்தர்ப்பம் பார்த்து வந்த இவர், நெல்சன் இயக்கத்தில் விஜய் நடிக்கும் 65ஆவது படத்தில் இணைந்து விட ஆரம்பத்தில் இருந்தே முயற்சி எடுத்து வருகிறார். இதற்கிடையே சுல்தான் பட நாயகியான ராஷ்மிகா மந்தனாவும், விஜய் படத்திற்காக முயற்சித்து வந்தார். இதனால் விஜய் படத்தில் நடிக்கப்போவது ராஷ்மிகாவா? பூஜாவா என்கிற குழப்பம் நீடித்தது.

ஆனால் தற்போதைய நிலவரப்படி, பாலிவுட்டில் பிசியாகி விட்ட ராஷ்மிகாவினால் விஜய் படத்திற்கு கேட்ட தேதிகளை கொடுக்க முடியவில்லையாம். அதனால் தற்போது பூஜா ஹெக்டேவை அழைத்து பேச்சுவார்த்தை நடத்துப்பட்டுள்ளதாம். அதனால் இன்னும் சில தினங்களில் விஜய் 65ஆவது படத்தில் பூஜா ஹெக்டே ஒப்பந்தமாகி விட்ட தகவல் வெளியாகும் என்று தெரிகிறது.