![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
நடிகரின் கின்னஸ் சாதனை!
ஜன 07, 2021
Advertisement
நடிகரும், நடன இயக்குனருமான கோகுல், "கோகுல்நாத் யூனிக் டேலண்ட் அகாடமி" என்ற பயிற்சி மையம் மூலம், ஒரே நேரத்தில், 15 கின்னஸ் சாதனைகள் படைத்துள்ளார். அவருக்கு இயக்குனர் கே.எஸ்.ரவிகுமார், நடிகை ஐஸ்வர்யா ராஜேஷ் உள்ளிட்டோர், நேரில் வந்து வாழ்த்து கூறியுள்ளனர்.இது குறித்து, கோகுல் நாத் கூறியதாவது: கோகுல்நாத் யூனிக் டேலண்ட் மையத்தில், 60 மாணவ - மாணவியர் பயிற்சி பெற்று வருகின்றனர். இடுப்பு, கை, கால் உள்ளிட்ட பகுதியில் வளையத்தை சுற்றுவது, குட்டா எனப்படும்.இதில், உலகளவில் நிகழ்த்தப்பட்ட, "கின்னஸ்" சாதனையை நாங்கள் முறியடித்துள்ளோம். 2 கிலோ இரும்பு வளையத்தை, நாகராஜ், ஒரு நிமிடத்தில் 144 முறை வயிற்றில் இடைவிடாமல் சுற்றியுள்ளார். இதை ஹூலா ஹூப் என்பர்.இதற்கு முன், 142 முறை சுற்றியதே அதிகமாக இருந்தது. ஜெசிகா என்ற மாணவி தலைகீழாக நின்றபடி, ஒரு கால் பாதத்தில், வளையத்தை ஒரு நிமிடத்திற்கு இடைவிடாமல், 213 முறை சுற்றியுள்ளார். இதனுடன், என்னுடைய நான்கு சாதனைகள் உட்பட, 15 கின்னஸ் சாதனைகள் படைக்கப்பட்டுள்ளன.பொதுவாக நாம், ஒரு மூளையை மட்டுமே, அதிகம் பயன்படுத்துவோம். இப்பயிற்சிகளின் மூலம், நம் இரண்டு மூளையும் சுறுசுறுப்பாகும். மாணவர்களுக்கு ஞாபக சக்தி அதிகரிக்கும். மனவளர்ச்சி குன்றியோருக்கு இப்பயிற்சி பெரிதும் உதவியாக இருக்கும்.இவ்வாறு, அவர் கூறினார்.
வாசகர்கள் கருத்துகள்
முதல் நபராக கருத்து தெரிவியுங்கள்!