![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
எளிமையாக விமானத்தில் சென்றாலும் விமர்சனமா?
மே 19, 2026
Advertisement
நடிகர் கமல்ஹாசன் கல்கி2898 ஏடி படத்துக்காக விமானத்தில் பிஸினஸ் கிளாசில் பயணம் செய்யாமல், எகானமி கிளாசில் பயணம் செய்யும் ஒரு போட்டோ நேற்று வைரல் ஆனது. சினிமா படப்பிடிப்பு செலவை குறைக்க, எரிபொருள் சிக்கனத்தை வலியுறுத்த இப்படி கமல்ஹாசன் பயணம் செய்கிறார். அவர் நினைத்து இருந்தால் தனி விமானத்தில் படப்பிடிப்பு வருவதாக அறிவித்து இருக்கலாம். அப்படி செய்யவில்லை என படக்குழு பெருமையாக அறிவித்தது.
ஆனாலும், அந்த போட்டோவை பார்த்து பலரும் கமல்ஹாசனை விமர்சனம் செய்தனர். அந்த போட்டோ ட்ரோல் ஆனது. கல்கி படத்துக்காக பல கோடி சம்பளம் வாங்குகிறார் கமல்ஹாசன். அதை குறைத்து இருக்கலாம். ஆனால், அதை செய்யவில்லை. படப்பிடிப்புதளத்துக்கு எகானமி கிளாசில் செல்வதை விளம்பரப்படுத்தி இருக்கிறார்கள். செலவை குறைக்க நினைத்தால் அவர் ரயிலில் சென்று இருக்கலாம்.
ஸ்டார் ஓட்டலில் தங்குவதை தவிர்த்து சாதாரண ஓட்டலில் தங்கலாம். தனது டீம் செலவை, சம்பளத்தை குறைக்கலாம். அதை விடுத்து சில ஆயிரம் செலவை தவிர்த்து எகானமி கிளாசில் செல்வதை விளம்பரம் செய்வதா என நெட்டிசன்கள் கிண்டல் கலந்த விமர்சனத்தை வைக்கிறார்கள். சின்ன ரோலில், கொஞ்ச நேரம் வந்தாலும் இந்த படத்துக்காக கமல் வெயிட்டான சம்பளம் வாங்கியிருப்பதாக தகவல்.
வாசகர்கள் கருத்துகள்
முதல் நபராக கருத்து தெரிவியுங்கள்!