![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
விஜய்யின் வெற்றியால் புதிய சாதனைக்குச் சொந்தக்காரராக மாறிய மனோரமா
மே 12, 20261
Advertisement
தமிழ் சினிமாவில், ஏன் மொத்த இந்திய சினிமாவிலேயே ஆயிரம் படங்களில் நடித்தவர்கள் என்றால் விரல் விட்டு எண்ணக்கூடிய வெகு சிலர் மட்டுமே. அந்த வகையில் தமிழ் சினிமாவில் ஆயிரம் படங்களில் நடித்தவர் மறைந்த நடிகை ஆச்சி மனோரமா. மற்ற எந்த நடிகர்களுக்கும் கிடைக்காத இன்னொரு பெருமை என்னவென்றால், இவர் ஆறு முதல்வர்களுடன் இணைந்து திரைப்படங்களில் பணியாற்றியவர் என்பதுதான்.
ஆரம்ப கால மேடை நாடகங்களில் மறைந்த முன்னாள் முதல்வர்களான அண்ணாதுரை, கருணாநிதி ஆகியோருடனும் எம்ஜிஆர், என்டிஆர், ஜெயலலிதா போன்றவர்களுடன் திரைப்படங்களிலும் நடித்த மனோரமா, கருணாநிதி கதை எழுதிய "ஒரே ரத்தம்" என்ற திரைப்படத்தில் முன்னாள் முதல்வர் மு.க.ஸ்டாலினுடனும் இணைந்து நடித்துள்ளார்.
இந்த நிலையில், தற்போது நடிகர் விஜய் சமீபத்தில் நடந்த தேர்தலில் வெற்றி பெற்று தமிழக முதல்வராகப் பொறுப்பேற்று இருப்பதன் மூலம், மனோரமா தற்போது ஏழு முதல்வர்களுடன் இணைந்து பணியாற்றியவர் என்கிற சாதனைக்கு உயர்ந்துள்ளார். விஜய்யுடன் "ரசிகன்" உள்ளிட்ட ஒரு சில படங்களில் மட்டுமே நடித்த மனோரமா, அதிக அளவு படங்களில் நடிக்கவில்லை என்பதும் குறிப்பிடத்தக்கது. அதே சமயம் மறைந்தும் கூட ஒரு புதிய சாதனையை ஆச்சி மனோரமா சொந்தமாக்கி இருப்பதும், அதற்கு விஜய் காரணமாக அமைந்திருப்பதும் யாரும் எதிர்பாராத ஒன்று.
வாசகர்கள் கருத்துகள் (1)
கருத்து எழுதுங்கள்கிரேட் ஆச்சியின் அவர்களுடைய சாதனை மேலும் நீண்டுகொண்டே போகும் நீங்கள் இந்த உலகை விட்டு சென்றாலும் ரசிகர்கள் மனதை விட்டு செல்லவில்லை ...வாழ்த்துக்கள்