![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
அமெரிக்காவில் வெளியிடப்பட்ட தனது பட டிரைலர் வெளியீட்டில் காயத்ரி மந்திரம் உச்சரித்த வித்யுத் ஜம்வால்
ஏப் 19, 2026
Advertisement
பாலிவுட் வில்லன் நடிகர் வித்யுத் ஜம்வால் தமிழில் "துப்பாக்கி, அஞ்சான்" உள்ளிட்ட படங்களில் நடித்துள்ளார். தற்போது பாலிவுட்டில் கதாநாயகனாகவும் சில படங்களில் நடித்து வருகிறார். அந்த வகையில் தற்போது ஹாலிவுட் கதையை மையப்படுத்தி உருவாகியுள்ள "ஸ்ட்ரீட் பைட்டர்" என்கிற ஆக்சன் படத்தில் நடித்துள்ளார் வித்யுத் ஜம்வால். இந்த படத்தின் டிரைலர் வெளியீடு சமீபத்தில் அமெரிக்காவில் உள்ள லாஸ் வேகாஸ் நகரத்தில் வருடந்தோறும் நடைபெறுகின்ற சினிமாகான் நிகழ்வில் நடைபெற்றது.
இந்த நிகழ்வில் நேரடியாக பங்கேற்ற நாயகன் வித்யுத் ஜம்வால் அங்கிருந்த சக ஹாலிவுட் நடிகர்கள் மத்தியில் காயத்ரி மந்திரம், சூரிய மந்திரம் மற்றும் சந்திர மந்திரம் ஆகியவற்றை சில நிமிடங்கள் கண்மூடி உச்சரித்தார். அங்கே இருந்தவர்கள் இதை ஆச்சரியத்துடன் பார்த்து ரசித்தனர்.
இது குறித்து வீடியோ ஒன்றை வெளியிட்டுள்ள வித்யுத் ஜாம்வால், ""வார்த்தைகளை தாண்டி, மொழியை தாண்டி நாம் அனைவருமே ஒன்றாக இணைக்கப்பட்டுள்ளோம். உலகளாவிய நிகழ்ச்சி ஒன்றில் இப்படி ஒன்றை பகிர்ந்து கொள்வதற்கு எனக்கு வாய்ப்பு கிடைத்ததில் மகிழ்ச்சி” என்று கூறியுள்ளார்.
வாசகர்கள் கருத்துகள்
முதல் நபராக கருத்து தெரிவியுங்கள்!