தேசிய விருது பெற்ற தமிழ் குறும்படம் யு-டியூப்பில் வெளியாகிறது

தேசிய விருது பெற்ற தமிழ் குறும்படம் "லிட்டில் விங்ஸ்". நவீன் இயக்கத்தில் மணிமேகலை, காளிதாஸ், மதுரை ராம்ஜி உள்பட பலர் நடித்துள்ளனர். இந்த படம் சிறந்த குறும்படத்திற்கான தேசிய விருதை பெற்றது. தற்போது இந்த படத்தை பிரபல தயாரிப்பு நிறுவனமான ட்ரீம் வாரியர் பிக்சர்ஸ் தனது பேனரில் யு டியூப்பில் வெளியிடுகிறது.

இதுகுறித்து இயக்குனர் நவீன் கூறும்போது “கொரோனா காலக்கட்டத்தில் நிறைய துர்மரணங்கள் நடந்தபோது, பலரது ஆசைகள் அந்த மரணத்துடனேயே மரித்துவிட்டது. கதையின் நாயகர் காளிதாஸ், ஒரு சேவலை சாப்பிட ஆசைப்படுகிறார். அவரது ஆசை நிறைவேறியதா என்பது கதை. ஒருவரது மரணம், இன்னொருவருக்கு விடுதலையை கொடுக்கிறது. அந்த அடிப்படையில் இக்கதை அமைந்திருக்கிறது” என்றார்.