கிரிக்கெட் வீரருடன் டேட்டிங் செய்யும் மிருணாள் தாக்கூர்!

தற்போது அல்லு அர்ஜுன் நடிப்பில் அட்லி இயக்கி வரும் படத்தில் நடித்து வரும் மிருணாள் தாக்கூர், தனுஷ் மற்றும் அவரது சகோதரிகளை இன்ஸ்டாகிராமில் பின்தொடர்கிறார்.

இந்நிலையில் மிருணாள் தாகூர் நடித்த படத்தின் டீசருக்கு கமெண்ட் கொடுத்தார் தனுஷ். அதற்கு அவர் ஒரு ஹார்ட் எமோஜியை போட்டிருந்தார். அதையடுத்து தனுஷ் நடித்து வெளியாகி உள்ள "தேரே இஷ்க் மே" படம் தொடர்பாகவும் இன்ஸ்டாகிராமில் கமெண்ட் போட்டு இருந்தார் மிருணாள் தாக்கூர். அதைப்பார்த்து தனுசும், மிருணாள் தாக்கூரும் காதலிப்பதாக ஊடங்களில் செய்தி பரவ தொடங்கியது. ஆனால் தனுஷ் எனது நண்பர் மட்டுமே என்று அந்த செய்திக்கு ஒரு பதில் கொடுத்திருந்தார் மிருணாள் தாக்கூர்.

இப்படியான நிலையில் தற்போது ஐபிஎல் போட்டியில் பஞ்சாப் கிங்ஸ் அணியில் விளையாடிய ஸ்ரேயாஸ் ஐயர் என்பவருடன் மிருணாள் தாக்கூர் டேட்டிங் செய்து வருவதாக பாலிவுட்டில் ஒரு தகவல் வெளியாகி இருக்கிறது. மும்பையில் நடக்கும் பார்ட்டிகளில் அவர்கள் இருவரும் சந்தித்து பேசி வருவதாக பரபரப்பு தகவல்கள் வெளியாகி உள்ளன. அதோடு, தனுஷை தான் காதலிப்பதாக செய்திகள் வெளியானபோது அவர் நண்பர் மட்டுமே என்று கூறிய மிருணாள் தாக்கூர், ஸ்ரேயாஸ் ஐயர் விவகாரத்தில் இதுவரை எந்த விளக்கமும் கொடுக்கவில்லை என்பது குறிப்பிடத்தக்கது.