முதலில் மறக்கப்பட்டதா ‛ஜனனி பாடல் : பாடி முடித்து வைத்த இளையராஜா

இளையராஜாவின் இசைக் கச்சேரிகளில் பல ஆண்டுகளாக ‛ஜனனி ஜனனி ஜகம் நீ..." பாடல்தான் முதலில் பாடப்படும். சென்டிமென்ட் ஆக அந்த பாடலை இளையராஜா பாடுவது வழக்கம். இளையராஜா பங்கேற்ற கச்சேரிகளில் இதுதான் நடைமுறை. சிலசமயம், இளையராஜா குடும்ப உறுப்பினர்கள், அவருடன் இணைந்து பாடுவார்கள்.

1982ல் கே.சங்கர் இயக்கத்தில் ‛தாய் மூகாம்பிகை" படத்தில் இடம் பெற்ற பாடல் இது. முதலில் இந்த பாடலை ஜேசுதாஸ் பாடினால் நன்றாக இருக்கும் என்று இயக்குனரிடம் எம்ஜிஆர் சொன்னாராம். ஆனால், சூழ்நிலைகள் காரணமாக இளையராஜாவே பாடினார். கர்நாடக மாநிலம், கொல்லுார் தாய் மூகாம்பிகையை போற்றும் இந்த பாடலை ஆதிசங்கரரர் பாடுவதாக காட்சி அமைந்து இருக்கும். அதனால், பாடலின் முதலில் வரும் சமஸ்கிருத வரிகள் ஆதிசங்கரரின் சவுந்தர்ய லஹரியில் இருந்து எடுக்கப்பட்டு இருக்கும். மீதி வரிகளை பக்திப்பூர்வமாக எழுதியவர் கவிஞர் வாலி.

இளையராஜா ஜனனி பாடலை ஆர்மோனியம் வைத்து பாட ஆரம்பித்தால் கைதட்டல் விசில் பறக்கும். ஆனால், சென்னையில் நடந்த தமிழக அரசின் இளையராஜா பாராட்டு விழாவின் துவக்கத்தில் இந்த பாடல் பாடப்படவில்லை. அதற்கு பதிலாக ‛அமுதே தமிழே" என்ற பாடலை, தனது இருக்கையில் இருந்தபடியே,பாடினார் இளையராஜா. இந்த பாடல் அவர் இசையமைத்த ‛கோயில் புறா" படத்தில் இடம் பெற்றது. புலமைப்பித்தன் எழுத பி.சுசீலா, உமாரமணன் பாடியிருந்தனர். இந்த படம் 1981ல் ரிலீஸ் ஆனது.

இந்த மாற்றம் பலருக்கு ஆச்சரியத்ததை கொடுத்தது. ஜனனி பாடலை எப்படி மறந்தார் இளையராஜா என்று பலரும் கேள்வி எழுப்பினர். ‛இன்று பாராட்டு விழாவில் பாடும் பாடல்கள் பட்டியலை தந்தவர் முதல்வர் ஸ்டாலின்" என்று பின்னர் விளக்கம் கொடுத்தார் கமல்ஹாசன். பொதுவாக திமுக., மற்றும் முதல்வர் ஸ்டாலின் அரசு பகுத்தறிவு கொள்கை கொண்டவர்கள் என கூறுவதால் பக்தி பாடலை தவிர்த்து இருக்கலாம். ஆனாலும், பார்வையாளர்களுக்கு இது குறையாக இருந்தது.

ரஜினி, கமல், இளையராஜா பேசி முடிந்ததும், பார்வையாளர்கள் இளையராஜாவை பாட சொல்லி வேண்டுகோள் வைத்தனர். நான் தான் பாடிவிட்டேனே என்று முதலில் தயங்கிய இளையராஜா பின்னர் சற்றும் யோசிக்காமல் முதல்வர் முன்னிலையில் ‛ஜனனி ஜகம் நீ..." பாடலை உணர்ப்பூர்வமாக பாடி விழாவை நிறைவு செய்தார். பலமுறை தனது பேட்டிகளில் தனது இசை இறைவனிடம் இருந்து வருகிறது. அவன்தான் பாட வைக்கிறார் என்று கூறியிருக்கிறார். விழா ஏற்பாட்டாளர்கள் ஜனனி பாடலை மறந்திருந்தாலும், விழா முடிவில் அந்த பாடலை தவிர்க்க முடியவில்லை என கூறியபடி ரசிகர்கள் விடை பெற்றனர்.

கடந்த வாரம் இந்த பாடல் பாடப்பெற்ற கொல்லுார் மூகாம்பிகை கோயிலுக்கு சென்ற இளையராஜா சில கோடி மதிப்புள்ள வைர கீரிடம், தங்கவாளை சமர்பித்தார் என்பதும் குறிப்பிடத்தக்கது.

You May Like

முதலில் மறக்கப்பட்டதா ‛ஜனனி பாடல் : பாடி முடித்து வைத்த இளையராஜா

தொடர்புடைய & மேலும் செய்திகள்

விசித்திரமான நோயால் அவதிப்படும் விஷ்ணு விஷால்

குடும்பமாக இணைந்து கலக்கிய பிளாஸ்ட் முதல் இந்த வாரம் ஓடிடியில் என்னென்ன படங்கள் ரிலீஸ்?

சிலிர்க்க வைக்கும் தினமலர் சினிமா வாட்ஸ் அப் சேனலில் இணைந்திடுங்கள்: ஹாட் டிரெண்டிங் அப்டேட்ஸ்-ஐ ரசியுங்கள்!!

Con City Team சந்திப்பு | Con City Movie | Harish Durairaj | Aruldoss | Dinamalar Cinema

கலகலப்பான Lingam Web Series Team Fun Interview | Kathir,Divya Bharathi,Poornima Ravi

Arya Speech Ananthan Kaadu Press Meet | Arya | Jiyen Krishnakumar | Ajaneesh Loknath | Murali Gopy

Rangaraj Pandey Speech Lakshmikanthan Kolai Vazhakku Audio Launch

ரோமியோ பிக்சர்ஸ் புதிய பட அறிவிப்பு நிகழ்ச்சியில் இசையமைப்பாளர் யுவன் சங்கர் ராஜா

தர்மன் படப்பிடிப்பு தொடங்கியது: டிசம்பரில் படம் ரிலீஸ்?

நினைக்காத நாளில்லையே... : கண்ணதாசன், எம்எஸ் விஸ்வநாதனுக்கு இளையராஜா புகழாரம்

ரஜினியும், நானும் விமானத்தில் பயணித்தபோது போட்ட ஒப்பந்தம்! : கமல் பேச்சு

முதல்வர் விஜய்க்கு பிறந்தநாள் வாழ்த்து கூறிவிட்டேன் : சர்ச்சைக்கு முற்றுப்புள்ளி வைத்த ரஜினிகாந்த்

தர்மன் படத்தில் ஹீரோயின் சிம்ரன், வில்லன் யார்?

நான் பேசினாலே பிரச்னை தான் : ‛தர்மன் பட அறிமுக விழாவில் ரஜினி பேச்சு

ஹாட் குயின்... பிரக்யா ஜெய்ஸ்வால்

பூக்களே ஓய்வெடுங்கள்... : கங்கனா

வாசகர்கள் கருத்துகள்