
அப்பா பற்றி ரஜினி சொன்னதை வெளியில் சொல்ல மாட்டேன் : கமல் மகள் ஸ்ருதி
கூலியில் நடித்திருப்பது குறித்து ஸ்ருதிஹாசன் கூறியிருப்பதாவது: நான் எந்த இசை ஆல்பம் தயாரித்தாலும் அதில் நடிப்பவர்கள் பற்றி அதிக கவனம் செலுத்துவேன். லோகேஷ் கனகராஜ் பெரிய நடிகர் என்பதை நான் நேரில் பார்த்திருக்கிறேன். அதை வைத்து அவரை எனது ஆல்பத்தில் நடிக்க வைத்தேன். அவர் இப்போது என்னை அவர் படத்தில் நடிக்க வைத்திருக்கிறார். "ரஜினி சார் படம் நீங்க நடிச்சா நன்றாக இருக்கும்" என்று சொன்னபோது அதை என்னால் எப்படி மறுக்க முடியும்.
ரஜினியுடன் நடித்தது எனக்கு கிடைத்த பெரிய ஆசீர்வாதம். நான் மிகவும் மனப்பூர்வமாக விரும்பிய ஒன்று. என்னை மட்டுமல்ல, உடன் நடிக்கும் எல்லோரையும் அன்போடு அரவணைத்து செல்வார். அந்த அரவணைப்பு எனக்கும் கிடைத்தது.
அவர்கிட்ட மனம் விட்டுப் பேசுவேன். அப்பாவுக்கும் அவருக்குமான நெருக்கமான நட்பு பற்றி நிறைய விஷயங்கள் என்னுடன் பகிர்ந்து கொண்டார். அது எனக்கு ஆச்சர்யமாக இருந்தது. அதை வெளியில் சொல்ல மாட்டேன். ஏனென்றால் கமல் மகள் என்கிற முறையில் அவர் என்னிடம் சொன்னது எனக்கு பொக்கிஷம். அவர்களின் நட்பு இனிமையான , இறுக்கமான நட்பாக இருக்கிற ரகசியம் அந்த பொக்கிஷத்தில் இருக்கிறது. என்கிறார் ஸ்ருதி.




















வாசகர்கள் கருத்துகள்
முதல் நபராக கருத்து தெரிவியுங்கள்!