![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
லிப்லாக் காட்சி அவசியம் இல்லை ; அதிர வைக்கும் நடிகர் ஷேன் நிகம்
ஜூலை 31, 2025
Advertisement
மலையாள திரையுலகில் சமீபகாலமாக வளர்ந்து வரும் இளம் நடிகர்கள் பட்டியலில் இடம் பிடித்துள்ளவர் நடிகர் ஷேன் நிகம். கடந்த இரண்டு மூன்று வருடங்களாகவே படப்பிடிப்பில் தயாரிப்பாளர்களுடன் ஒத்துழைப்பதில்லை என்று ரெட் கார்டு போடப்படும் அளவிற்கு சூழல் உருவான நிலையில் தற்போது அவற்றையெல்லாம் மாற்றி அமைத்து தொடர்ந்து படங்களில் சரியான முறையில் நடித்து வருகிறார். அப்படி தமிழ் மற்றும் மலையாளம் என ஒரே நேரத்தில் இருமொழியில் உருவாகும் "பல்டி" என்கிற படத்தில் தற்போது நடித்து வருகிறார். இந்த நிலையில் சமீபத்திய பேட்டி ஒன்றில் அவர் லிப் லாக் முத்தக் காட்சியில் நடிப்பது குறித்து அதிரடியாக ஒரு விஷயத்தை கூறியுள்ளார்.
இது பற்றி அவர் கூறும்போது, “கதைப்படி சம்பந்தப்பட்ட சிச்சுவேஷனுக்கு லிப்லாக் காட்சி தேவை என்றால் நானும் வேறு வழியில்லை என நடித்துவிட்டு போய்விடுவேன். ஆனால் என்னைப் பொறுத்தவரை காதலர்களின் நெருக்கத்தை காட்டுவதற்கு அதைவிட இன்னும் சிறப்பான வழிகள் இருக்கின்றன.. இப்படி சொல்வதைப் பார்த்தால் என்னை ரொம்ப பழைய ஆள் என்று கூட நீங்கள் நினைக்கலாம். ஆனால் என் படங்களை பார்க்கும்போது, என் குடும்பத்துடன் அமர்ந்து அதை பார்க்க வேண்டும் என்பதைத்தான் நான் விரும்புகிறேன்” என்று கூறியுள்ளார்.
வாசகர்கள் கருத்துகள்
முதல் நபராக கருத்து தெரிவியுங்கள்!