![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
மிஸ்டர் ஜூ கீப்பர், அடங்காதே இந்தமுறையாவது சொன்னபடி வெளியாகுமா?
ஜூலை 30, 2025
Advertisement
சின்னத்திரையில் இருந்து சினிமா வந்த புகழ் கதைநாயகனாக நடித்த படம் "மிஸ்டர் ஜூ கீப்பர்". "இனியவளே, ஜூனியர் சீனியர்" படங்களை இயக்கிய சுரேஷ் இயக்கி இருந்தார். கடந்த 2 ஆண்டுகளாக இந்த படம் தயாராகி வருகிறது. சிலமுறை ரிலீஸ் தேதி அறிவிக்கப்பட்ட நிலையில், பல காரணங்களால் படம் ரிலீஸ் ஆகவில்லை.
இந்நிலையில், ஆகஸ்ட் 1ம் தேதி ரிலீஸ் என்று மீண்டும் அறிவிப்பு வெளியாகி உள்ளது. இந்த முறையானது சொன்னபடி படம் ரிலீஸ் ஆகிவிட வேண்டும். எந்த தடையும் வரக்கூடாது என்று புகழ் கடவுளை வேண்டிக்கொண்டு இருக்கிறாராம். ஒரு புலிக்குட்டியை பூனைக்குட்டி என நினைத்து வளர்கிறார் அப்பாவியான புகழ், என்ன நடக்கிறது என்பது கதை.
இதேபோல் பல ஆண்டுகளாக முடங்கி கிடந்த ஜி.வி.பிரகாஷின் "அடங்காதே" படம், ஆகஸ்ட் 27ல் ரிலீஸ் என்று அறிவிப்பு வெளியாகி உள்ளது. சண்முகம் முத்துசாமி இயக்கிய இந்த படத்தில் ஜி.வி.பிரகாஷூடன், சரத்குமார், மந்திராபேடி நடித்தனர். பல்வேறு சென்சார் பிரச்னை, நிதி சிக்கல்களால் இந்த படம் 8 ஆண்டுகள் வெளியாகாமல் தவித்தது. இந்தமுறையாவது ரிலீஸ் ஆக வேண்டும் என்று படக்குழுவினர் நினைக்கிறார்கள். இதற்கிடையில், ஆகஸ்ட் 1ம் தேதி வெளியாக வேண்டிய ஜி.வி.பிரகாஷின் "பிளாக்மெயில்" படமும் சட்டச் சிக்கல், நிதிப் பிரச்னையால் சொன்ன தேதியில் வெளியாவதில் சிக்கல் ஏற்பட்டுள்ளது.
வாசகர்கள் கருத்துகள்
முதல் நபராக கருத்து தெரிவியுங்கள்!