டெங்கு காய்ச்சல் : மருத்துவமனையில் விஜய் தேவரகொண்டா அனுமதி

தெலுங்குத் திரையுலகத்தின் இளம் முன்னணி நடிகர் விஜய் தேவரகொண்டா. அவர் கதாநாயகனாக நடித்துள்ள "கிங்டம்" படம் ஜூலை 31ம் தேதி தியேட்டர்களில் வெளியாக உள்ளது. இப்படத்திற்கான புரமோஷன் வேலைகள் நடந்து வருகின்றன. இதனிடையே, படத்தின் நாயகன் விஜய் தேவரகொண்டாவுக்கு திடீரென டெங்கு காய்ச்சல் வந்து மருத்துவமனையில் அனுமதிக்கப்பட்டு சிகிச்சை பெற்று வருகிறாராம். இன்னும் சில தினங்களில் டிஸ்சார்ஜ் ஆக வாய்ப்புள்ளதாகச் சொல்கிறார்கள். அதன்பிறகு சிறிது ஓய்வெடுத்துவிட்டு அவரும் புரமோஷன் பணிகளில் ஈடுபட உள்ளதாகத் தெரிகிறது.

விஜய் தேவரகொண்டா நடித்து கடந்த வருடம் வெளிவந்த "பேமிலி ஸ்டார்" படம் சரியாகப் போகவில்லை. எனவே, இந்தப் படத்தைப் பெரிதும் எதிர்பார்த்திருக்கிறார். தமிழ், ஹிந்தியிலும் இப்படம் டப்பிங் ஆகி வெளியாக உள்ளது.