![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
ஒரே நேர ரிலீஸ் திட்டத்தில் தெலுங்கு திரிஷ்யம்-3யும் இணைகிறது ; ஜீத்து ஜோசப் சூசக தகவல்
ஜூன் 24, 2025
Advertisement
மலையாளத்தில் கடந்த 2013 மற்றும் 2021 வருடங்களில் வெளியான "திரிஷ்யம்" படத்தில் அடுத்தடுத்த பாகங்கள் மிகப்பெரிய வெற்றியை பெற்றதும், அவை மற்ற தென்னிந்திய மொழிகளில் மட்டுமல்லாது பாலிவுட்டிலும் ரீமேக் செய்யப்பட்டு அங்கேயும் வெற்றிகளை குவித்ததும் தெரிந்த விஷயம் தான். இயக்குனர் ஜீத்து ஜோசப், மோகன்லால் கூட்டணியில் உருவான இந்த இரண்டு பாகங்களின் வரவேற்பை தொடர்ந்து இதற்கு மூன்றாம் பாகம் உருவாக இருக்கிறது என்கிற அறிவிப்பு சமீபத்தில் அதிகாரப்பூர்வமாக அறிவிக்கப்பட்டது.
மலையாளத்தில் இந்த படத்தை எப்போது துவங்குவார்கள் என்பதைவிட இதன் ஹிந்தி ரீமேக்கில் கதாநாயகனாக நடித்த அஜய் தேவ்கன் தான் இதன் மூன்றாம் பாகத்தை உடனடியாக துவங்க மிகுந்த ஆர்வம் காட்டி வந்தார். அதன்படி வரும் அக்டோபர் 2ம் தேதி இதன் படப்பிடிப்பு துவங்கி அடுத்த வருடம் அக்டோபர் 2ம் தேதி காந்தி ஜெயந்தி அன்று ரிலீஸ் ஆகும் என்றும் தகவல் வெளியாகி உள்ளது. இதற்கிடையே இதன் தெலுங்கு ரீமேக் எப்போது துவங்கும், ரிலீஸாகும் என்கிற கேள்விகளும் ரசிகர்களிடம் எழுந்தன.
அதற்கேற்றபடி இயக்குனர் ஜீத்து ஜோசப் சமீபத்தில் ஒரு பேட்டியில் கூறும்போது, “ஏற்கனவே இரண்டு பாகங்களின் கதையும் நாடறிந்த ஒன்று ஆகிவிட்டது. அதனால் இந்த முறை மலையாளம், தெலுங்கு, ஹிந்தி என இந்த மூன்று மொழிகளிலும் "திரிஷ்யம் 3" ஒரே நேரத்தில் வெளியாக வாய்ப்பு இருக்கிறது. ஏதாவது ஒரு மொழியில் தாமதமாக வெளியானாலும் இதன் சஸ்பென்ஸ் ரசிகர்களிடம் உடைந்து விட வாய்ப்பு இருக்கிறது. அதே சமயம் படம் ரிலீஸ் தேதி ஒன்றாக இருந்தாலும் படப்பிடிப்பு என்பது வெவ்வேறு சமயங்களில் அவரவர் மொழிகளில் துவங்கும்” என்று கூறியுள்ளார்.
வாசகர்கள் கருத்துகள்
முதல் நபராக கருத்து தெரிவியுங்கள்!