ரிவால்வர் ரீட்டா படத்தின் ரிலீஸ் தேதி அறிவிப்பு

திருமணம் ஆன பின் கீர்த்தி சுரேஷ் நடிப்பில் வெளியான தெறி படத்தின் ஹிந்தி ரீ-மேக்கான பேபி ஜான் வரவேற்பை பெறவில்லை. இதையடுத்து அவர் நடித்துள்ள ரிவால்வர் ரீட்டா படம் வெளியீட்டிற்கு தயாராகி வருகிறது.

புதியவர் சந்துரு இயக்கி உள்ள இந்த படத்தில் கீர்த்தி சுரேஷ் கதையின் நாயகியாக நடித்துள்ளார். அவருடன் ராதிகா சரத்குமார், ரெடின் கிங்ஸ்லி, சூப்பர் சுப்பராயன், ஜான் விஜய் உள்ளிட்ட பலர் நடித்துள்ளனர். ஷான் ரோல்டன் இசையமைக்க, பேஷன் ஸ்டுடியோஸ் மற்றும் தி ரூட் ஆகிய இரு நிறுவனங்கள் இணைந்து தயாரித்துள்ளனர்.

இரண்டு ஆண்டுகளாக தயாரிப்பில் இருந்த இப்படம் ஒரு வழியாக வரும் ஆகஸ்ட் மாதம் 27ம் தேதி, விநாயகர் சதுர்த்தியை முன்னிட்டு திரைக்கு வருகிறது என படக்குழு அறிவித்துள்ளனர். இதுதொடர்பாக ஒரு டீசரையும் வெளியிட்டுள்ளனர்.