ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் கண்ணன்

சிவகார்த்திகேயன் நடித்த ரெமோ, கார்த்தி நடித்த சுல்தான் போன்ற படங்களை இயக்கியவர் பாக்யராஜ் கண்ணன். இவர் தற்போது ராகவா லாரன்ஸ் நடிப்பில் பென்ஸ் என்ற படத்தை இயக்கி வருகிறார். இந்த படத்தில் மலையாள நடிகர் நிவின்பாலி வில்லனாக நடிக்கிறார்.

இயக்குனர் பாக்யராஜ் கூறியதாவது : இந்த படத்திற்கு இயக்குனர் லோகேஷ் கனகராஜ் கதை எழுதி இருக்கிறார். அவரது கதைக்கு நான் திரைக்கதை எழுதி இருக்கிறேன். அதோடு எல்சியு-வில் மற்ற இயக்குனர்களும் படங்கள் இயக்கலாம் என்ற ஐடியாவை முன் வைத்தவரே லோகேஷ் கனகராஜ் தான். அந்த அடிப்படையில் தான் இந்த பென்ஸ் படத்தில் நடக்கும் சில சம்பவங்கள் எல்சியு படங்களுடன் இணைத்து திரைக்கதை அமைக்கப்பட்டுள்ளது.

அதேசமயம் லோகேஷ் கனகராஜின் முந்தைய படங்களின் எந்த பாகமும் இதில் இடம்பெறவில்லை. ஆனாலும் இது ஒரு எல்சியு படம் தான். ஹாலிவுட் சினிமாவில் ஒரே யுனிவர்சில் பல இயக்குனர்கள் வெவ்வேறு பகுதிகளில் இயக்குவார்கள். அந்த மாதிரியான ஒரு முயற்சியில் தான் இந்த படத்தை இயக்கி வருகிறேன் என்று தெரிவித்துள்ளார்.