அடுத்த மூன்று முக்கிய வெளியீடுகளில் இசை ஜிவி பிரகாஷ்குமார்

தமிழ் சினிமாவில் இந்த வருடத்தின் முன்னணி இசையமைப்பாளர்களில் இப்போதைக்கு முன்னேறிக் கொண்டிருப்பவர் ஜிவி பிரகாஷ்குமார். இந்த வருடத்தில் அவரது இசையில் இதுவரையில் "வணங்கான், நிலவுக்கு என் மேல் என்னடி கோபம், கிங்ஸ்டன்" ஆகிய படங்கள் வெளிவந்துவிட்டன. மூன்றுமே பெரிய வெற்றியைப் பெறவில்லை என்றாலும் அவரது இசையைப் பற்றி பாசிட்டிவ்வான விமர்சனங்களே வெளிவந்தன.

தமிழ் சினிமாவில் அடுத்து வெளியாக உள்ள மூன்று முக்கிய வெளியீடுகளுக்கு ஜிவி பிரகாஷ்குமார் தான் இசையமைத்துள்ளார். அடுத்த வாரம் விக்ரம் நடித்து வெளியாக உள்ள "வீர தீர சூரன் 2", அடுத்த மாதம் ஏப்ரல் 10ம் தேதி வெளியாக உள்ள "குட் பேட் அக்லி, இட்லி கடை" ஆகிய படங்களுக்கும் ஜி பிரகாஷ் தான் இசையமைத்துள்ளார்.

அதோடு, அடுத்த வாரம் மார்ச் 28ம் தேதி வெளியாக உள்ள "ராபின்ஹுட்" தெலுங்குப் படத்திற்கும் இசை ஜிவி பிரகாஷ்குமார். அடுத்த இரண்டு வாரங்களுக்கு இந்தப் படங்களின் வேலைகள், புரமோஷன்கள் என ஜிவி பிரகாஷ் மிகவும் பிஸியாக இருக்கிறார்.