![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
திட்டமிட்டபடி படப்பிடிப்பை முடிக்கும் லோகேஷ் கனகராஜ்
மார் 18, 2025
Advertisement
தமிழ் சினிமாவில் தற்போதுள்ள இயக்குனர்களில் டாப் 5 இடத்தில் கண்டிப்பாக இருப்பவர் லோகேஷ் கனகராஜ். அவருடைய சீனியர் இயக்குனர்கள் சிலரை பின்னுக்குத் தள்ளிவிட்டு இவர் மேலே முன்னேறிவிட்டார் என்று கூட தாராளமாக சொல்லலாம்.
ரஜினிகாந்த் நடிக்கும் படமொன்றை முதல் முறையாக இயக்கியுள்ள லோகேஷ், அதில் மல்டி ஸ்டார்கள் இருந்தாலும் படத்தைத் திட்டமிட்டபடி முடித்துள்ளார். அவர்கள் இணைந்த "கூலி" படத்தின் படப்பிடிப்பு தற்போது முடிவுக்கு வந்துள்ளது.
பிரம்மாண்ட இயக்குனர்கள் எனப் பெயரெடுத்த சிலர் இங்கு இரண்டு, மூன்று வருடங்கள் ஒரு படத்தை முடிக்க நேரம் எடுத்துக் கொள்ளும்போது ஒரு வருடத்திற்குள்ளாகவே தனது படங்களை முடிப்பதை வழக்கமாக வைத்திருக்கிறார் லோகேஷ்.
அவர் முதன் முதலில் இயக்குனராக அறிமுகமான "மாநகரம்" படத்தை 45 நாட்களிலும், "கத்தி" படத்தை 62 நாட்களிலும், "மாஸ்டர்" படத்தை 129 நாட்களிலும், "விக்ரம்" படத்தை 110 நாட்களிலும், "லியோ" படத்தை 125 நாட்களிலும் முடித்துள்ளார். தற்போது "கூலி" படத்தை 150 நாட்களில் முடித்துள்ளார் என்று தகவல்.
முழுமையான ஸ்கிரிப்ட், சரியான திட்டமிடல் ஆகியவற்றுடன் படப்பிடிப்பை முடித்துக் கொடுத்து தயாரிப்பாளர்களின் இயக்குனர் என்ற பெயரையும் பெற்றுள்ளார் லோகேஷ் கனகராஜ். அடுத்து கார்த்தி நடிக்க உள்ள "கைதி 2" படத்தை இயக்குவார் என்று எதிர்பார்க்கப்படுகிறது.
வாசகர்கள் கருத்துகள்
முதல் நபராக கருத்து தெரிவியுங்கள்!