![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
ரஜினிக்கு மட்டுமே சூப்பர்ஸ்டார் பட்டம் பொருத்தமாக இருக்கும் - குஷ்பூ சொன்ன பதில்
மார் 07, 2025
Advertisement
தமிழ் சினிமாவில் கடந்த 45 ஆண்டுகளுக்கு மேலாக சூப்பர் ஸ்டாராக இருந்து வருகிறார் ரஜினிகாந்த். அவருக்கு பிறகு சிம்பு, லிட்டில் சூப்பர் ஸ்டார் என்று, தான் சிறுவனாக நடித்த போது ஒரு பட்ட பெயரை சூட்டிக்கொண்டார். என்றாலும் அந்த பட்டத்தை அவர் தொடரவில்லை. அதையடுத்து தனுசுக்கு இளைய சூப்பர் ஸ்டார் என்ற பட்டத்தை தயாரிப்பாளர் எஸ்.தாணு சூட்டினார். ஆனால் ரஜினி ஒருவர் மட்டுமே சூப்பர் ஸ்டார் என்று சொல்லி அதை அவர் ஏற்கவில்லை.
இப்படியான நிலையில், கதையின் நாயகியாக தான் நடித்த படங்கள் அடுத்தடுத்து வெற்றி பெற்றதை அடுத்து லேடி சூப்பர் ஸ்டார் என்ற பட்டத்தை சூட்டிக்கொண்டார் நயன்தாரா. ஆனால் சமீபகாலமாக தான் நடித்த சில படங்கள் அதிர்ச்சி தோல்வியாக அமைந்ததை அடுத்து இனிமேல் என்னை லேடி சூப்பர் ஸ்டார் என்று யாரும் அழைக்க வேண்டாம் என்று சமீபத்தில் கேட்டுக் கொண்டார் நயன்தாரா.
இந்த நிலையில் நடிகை குஷ்பு இடத்தில் லேடி சூப்பர் ஸ்டார் பட்டத்தை நயன்தாரா தவிர்த்து குறித்து கேட்டபோது, ""நடிகர் நடிகைகளுக்கு பட்டம் கொடுக்க வேண்டியதில்லை. நான் நடித்தபோதெல்லாம் யாருக்கும் இது போன்ற பட்டங்கள் கொடுக்கப்படவில்லை. அதனால் நயன்தாரா லேடி சூப்பர் ஸ்டார் பட்டத்தை தவிர்த்து இருப்பது சரியான முடிவாகவே நான் பார்க்கிறேன். என்னை பொறுத்தவரை சூப்பர் ஸ்டார் என்றால் அது ரஜினிகாந்த்க்கு மட்டுமே பொருத்தமாக இருக்கும். மற்றபடி எந்த நடிகர்களையும் பட்டப்பெயர் வைத்து அழைக்காமல் பெயரை சொல்லி அழைத்தாலே போதுமானது என்பதே என்னுடைய கருத்து"" என்று கூறினார் குஷ்பூ.
வாசகர்கள் கருத்துகள்
முதல் நபராக கருத்து தெரிவியுங்கள்!