மஞ்சுவாரியர் படத்தை இலவசமாக ஆன்லைனில் ரிலீஸ் செய்ய போவதாக இயக்குனர் அறிவிப்பு

மலையாளத்தில் விருதுக்குரிய படங்களாக தொடர்ந்து எடுத்தாலும் அடிக்கடி சர்ச்சைகளில் சிக்குவதை வாடிக்கையாக வைத்துள்ளவர் இயக்குனர் சணல்குமார் சசிதரன். இவர் எடுத்த "ஓராள்பொக்கம், செக்ஸி துர்கா, வழக்கு, காயட்டம்" ஆகிய படங்கள் இந்தியாவிலும் வெளிநாடுகளிலும் பல விருதுகளை வென்றாலும் ரிலீஸாவதில் மிகப்பெரிய சிக்கலை சந்தித்தன. குறிப்பாக இவரது படங்கள் எதுவுமே நேரடியாக தியேட்டர்களில் வெளியாகவில்லை.

அதிலும் டொவினோ தாமஸ் ஹீரோவாக நடித்து தயாரித்த "வழக்கு" என்கிற திரைப்படத்தை இவர் இயக்கியிருந்தார். இந்தப் படம் தயாரித்து வெளிவருவதற்குள் டொவினோ தாமஸ் முன்னணி நடிகராக மாறி இருந்ததால் இந்த படத்தை வெளியிட்டால் தனது இமேஜ் பாதிக்கும் என தியேட்டர்களில் வெளியிட தயங்கினார். ஓடிடி நிறுவனங்களும் இந்த படத்தை வாங்குவதற்கு மறுத்தன. இதனால் ஒரு கட்டத்தில் கோபமான சணல்குமார் இந்த படத்தை பேஸ்புக்கில் தானே ரிலீஸ் செய்து அதிர்ச்சியை அளித்தார். அதுகுறித்த வழக்கு இன்னும் இவர்மீது நிலுவையில் இருக்கிறது.

அதற்கு அடுத்ததாக மஞ்சு வாரியர் நடிப்பில் "காயட்டம்" என்கிற படத்தை இயக்கினார் சணல்குமார். இந்த படத்தை மஞ்சு வாரியரே தயாரித்து இருந்தார். ஆனால் இந்த படம் முடிவடைந்த பின்னர் மஞ்சு வாரியருக்கும் சணல்குமாருக்கும் இடையே கருத்து வேறுபாடு ஏற்பட்டது. குறிப்பாக மஞ்சு வாரியரை தொடர்பு கொள்ள முடியவில்லை என்றும் அவர் ஏதோ ஆபத்தில் இருக்கிறார் என்றும் ஒரு வீடியோ வெளியிட்டார் சணல்குமார். இதனை தொடர்ந்து மஞ்சு வாரியார் அவர் மீது போலீசில் புகார் அளிக்க, கைது செய்யப்பட்ட சணல்குமார் அதன் பிறகு ஜாமினில் வெளிவந்தார்.

இப்போது வரை காயட்டம் படத்தை ரிலீஸ் செய்வதற்கான எந்த முயற்சியும் மஞ்சு வாரியர் தரப்பிலிருந்து மேற்கொள்ளப்படவில்லை. இதனால் இந்த படத்தையும் விரைவில் ஆன்லைனில் இலவசமாகவே ரிலீஸ் செய்யப் போகிறேன் என்று தற்போது அறிவித்துள்ளார் சணல்குமார் சசிதரன். அது மட்டுமல்ல இங்கே மலையாளத்தில் தான் படங்களை இயக்குவதற்கு ஒரு சிலர் தொடர்ந்து மறைமுகமாக தடை செய்து வருவதாகவும் தன் உயிருக்கு ஆபத்து இருப்பதால் இந்தியாவில் இருக்க விரும்பாமல் தான் அமெரிக்காவுக்கு செல்ல இருப்பதாகவும் கூறியுள்ளார் சணல்குமார் சசிதரன்.

You May Like

மஞ்சுவாரியர் படத்தை இலவசமாக ஆன்லைனில் ரிலீஸ் செய்ய போவதாக இயக்குனர் அறிவிப்பு

தொடர்புடைய & மேலும் செய்திகள்

முதல் காதலை சொன்னால் தமிழகம் அதிரும்: வனிதா விஜயகுமார்

எளிமையாக நடந்த குஷ்பு மகள் பட பூஜை

தனக்கு பிடித்தமான சமீபத்திய திரைப்படம் குறித்த தகவலை வெளியிட்ட சமந்தா!

ஹீரோயினாக என்ட்ரி கொடுக்கும் குஷ்புவின் மகள் | Pavish | Attacker Movie Launch

படம் பாத்துட்டு அழுதுட்டு வராங்க ! Vijay Antony, Swasika, Sasi Speech Nooru Sami

சிக்கலில் இருக்கும் ராஜமௌலி | டயங்கரம் படத்தில் Vijay Antony | Cinema update

Rajkumar Periasamy Q&A | Om Title Launch | OM First Strike | D55 Title Launch

Double Occupancy Success Meet | Kushboo | Aswin Kandasamy | Anandita | Reshma

தான் நடித்த படத்தின் டைட்டிலிலேயே 8 ஆண்டு கழித்து மீண்டும் நடிக்கும் மஞ்சு வாரியர்

ஆவலுடன் எதிர்பார்த்த துரந்தர் தி ரிவெஞ்ச்: இந்த வார ஓடிடி வெளியீடுகள்

வாழ இயக்குனரின் இயக்கத்தில் மஞ்சு வாரியர் நடிக்கும் ஹேப்பி லூப்

ஏமாற்றம் தந்த ஏப்ரல் மாதம்

மஞ்சு வாரியரின் அதிகாலை ஸ்கூட்டி பயணமும் குதிரையேற்ற பயிற்சியும்

‛மிஸ்டர் எக்ஸ் பட இயக்குனருடன் இணையும் விக்ரம்

வெப் ஸ்டோரீஸ்

ஹாட் குயின்... பிரக்யா ஜெய்ஸ்வால்

பூக்களே ஓய்வெடுங்கள்... : கங்கனா

வாவ் சொல்ல வைக்கும் மிர்னா

வாசகர்கள் கருத்துகள்