பிளாஷ்பேக்: பள்ளி காதலை எதிர்த்த பன்னீர் புஷ்பங்கள்

இளமை துள்ளும் காதல் கதைகளை தேர்ந்தெடுத்தால் அதில் "பன்னீர் புஷ்பங்கள்" படம் கட்டாயம் இடம்பெறும். காரணம் அந்த அளவிற்கு காதலும், இசையும், ஊட்டி குளிரும் போட்டி போட்டு கொண்டாடிய படம். இது காதல் படம்தான், ஆனால் பள்ளி பருவ காதலை வெறும் இனக்கவர்ச்சிதான் என்று புரிய வைத்த படம். இப்போது கூட பள்ளி மாணவர்கள் சீருடையுடன் காதலிக்கும் கதைகள், காட்சிகள் கொண்ட படங்கள் வருகிறது. குறிப்பாக இந்த படம் வெளிவந்த ஆண்டிலேயே "அலைகள் ஓய்வதில்லை" படம் பள்ளி பருவ காதலை அங்கீரித்த படம். ஆனால் பன்னீர் புஷ்பங்கள் அதை வெறும் இனக்கவர்ச்சி என்று சொன்ன படம்.

சென்னையில் இருந்து ஊட்டிக்கு சென்று ஹாஸ்டலில் தங்கிப் படிக்கும் மாணவன் அரவிந்த் பிரபு (சுரேஷ்) கதையின் நாயகன். அதே ஊரில் வீட்டிலிருந்து படிக்கும் மாணவி உமா (சாந்திகிருஷ்ணா) கதையின் நாயகி. இவர்கள் பள்ளியில் சந்தித்துக் கொள்கிறார்கள். நட்பு கொள்கிறார்கள், நட்பு காதலாகிறது. பள்ளிக்குப் புதிதாக வருகிற ஆசிரியர் பிரதாப் போத்தன், உமாவின் வீட்டில் உள்ள ஒரு போர்ஷனில் தங்குகிறார். ஆசிரியரும் மாணவியும் பள்ளிக்குச் சேர்ந்து வருகிறார்கள், செல்கிறார்கள். இது அவர்கள் காதலுக்கு தடையாகிறது. இவர்கள் காதல் வெளியே தெரியவருகிறது.

உமா பள்ளி செல்வதை குடும்பம் தடுத்து நிறுத்துகிறது. இருவரும் ரயில் ஏறி சென்னைக்கு ஓடிவிட தீர்மானித்து ரயில் ஏறுகிறார்கள். அவர்களை தடுக்கும் ஆசிரியர் பிரதாப் போத்தன், உங்களுக்கு இருப்பது காதல் அல்ல; வெறும் இனக்கவர்ச்சிதான் என்று புரிய வைத்து இருவரையும் தொடர்ந்து படிக்க வைப்பார். இதுதான் படத்தின் கதை.

பாரதி & (பி.)பாசு இணைந்து இயக்கிய முதல் படம். சுரேஷ், சாந்திகிருஷ்ணா இருவரும் அறிமுகமான படம் இது. ஆசிரியர் பிரதாப் போத்தன், ஹாஸ்டல் வார்டன் வெண்ணிற ஆடை மூர்த்தி, மாணவன் மனோகர் அவ்வளவுதான் தெரிந்த முகங்கள். படத்தின் முக்கியமான பலம் இளையராஜா. "கோடை கால காற்றே, ஆனந்தராகம் கேட்கும் காலம், பூந்தளிராட... பொன்மலர் சூட..." பாடல்கள் இன்றைக்கும் காதல் தேசிய கீதங்களாக ஒலித்துக்கொண்டிருக்கிறது. இப்போதும் பன்னீர் புஷ்பங்கள் காதல் படமாக அல்ல, காதல் பாடமாக கொண்டாடப்படுகிறது.

You May Like

பிளாஷ்பேக்: பள்ளி காதலை எதிர்த்த பன்னீர் புஷ்பங்கள்

தொடர்புடைய & மேலும் செய்திகள்

தர்மன் படப்பிடிப்பு தொடங்கியது: டிசம்பரில் படம் ரிலீஸ்?

எனது பயோபிக் படம் டிராப் : ஹாலிவுட் பாடகி மடோனா அறிவிப்பு

சொந்தமாக படம் தயாரிக்கிறாரா அஜித்?

Con City Team சந்திப்பு | Con City Movie | Harish Durairaj | Aruldoss | Dinamalar Cinema

கலகலப்பான Lingam Web Series Team Fun Interview | Kathir,Divya Bharathi,Poornima Ravi

Arya Speech Ananthan Kaadu Press Meet | Arya | Jiyen Krishnakumar | Ajaneesh Loknath | Murali Gopy

Rangaraj Pandey Speech Lakshmikanthan Kolai Vazhakku Audio Launch

ரோமியோ பிக்சர்ஸ் புதிய பட அறிவிப்பு நிகழ்ச்சியில் இசையமைப்பாளர் யுவன் சங்கர் ராஜா

பிளாஷ்பேக்: சிஷ்யன் படத்தில் நடிக்க மறுத்த விசு

பிளாஷ்பேக் : ஸ்ரீதரின் மனதை நோகடித்த தணிக்கை குழு

பிளாஷ்பேக்: அண்ணாதுரை திரைக்கதை வசனகர்த்தாவாக, என் எஸ் கிருஷ்ணன் நாயகனாக அறிமுகமான “நல்ல தம்பி”

பிளாஷ்பேக்: சினிமாவில் நடித்த பாமக நிறுவனர் ராம்தாஸ்

பிளாஷ்பேக்: நடனத்தில் பத்மினிக்கு சவால் விட்ட எம்ஜிஆர்

பிளாஷ்பேக் : 3 படத்தில் ஒரே கேரக்டரில் நடித்த ரேவதி

வெப் ஸ்டோரீஸ்

மகிழ்ச்சியில் மிளிரும் மிருணாள் தாக்கூர்

ஹாட் குயின்... பிரக்யா ஜெய்ஸ்வால்

பூக்களே ஓய்வெடுங்கள்... : கங்கனா

வாசகர்கள் கருத்துகள்