![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
தி கோட், கங்குவா பட தோல்வி குறித்து பதிலளித்த விஜய் சேதுபதி!
டிச 19, 2024
Advertisement
வெற்றிமாறன் இயக்கத்தில் விஜய் சேதுபதி, சூரி இணைந்து நடித்து உருவாகியுள்ள படம் " விடுதலை 2" . இப்படம் டிசம்பர் 20ம் தேதி திரைக்கு வருவதையொட்டி தற்போது இப்படத்தை தெலுங்கில் விளம்பரப்படுத்தி வருகிறார் விஜய் சேதுபதி.
கடந்த சில நாட்களுக்கு முன்பு ஹைதராபாத்தில் நடைபெற்ற பத்திரிகையாளர் சந்திப்பிற்கு பிறகு சில யூடியூப் சேனல்களுக்கு பேட்டியளித்தார் விஜய் சேதுபதி. அப்போது அவரிடம் "கங்குவா" மற்றும் "தி கோட்" தோல்வி குறித்து கேள்வி எழுப்பப்பட்டது. அதற்கு அவர் கூறியதாவது, “இங்கு எனது படத்தை விளம்பரப்படுத்த வந்திருக்கிறேன். நான் எதற்கு மற்ற படங்களின் வெற்றி, தோல்வி பற்றி பேச வேண்டும்?
பலர் வியாபாரம் துவங்குகிறார்கள், அனைவருமே வெற்றியடைவதில்லை. ஆனால், அனைவருமே வெற்றியடைய வேண்டும் என்று தான் தொடங்குகிறார்கள். அதேபோல் தான் ஒவ்வொரு படமும் வெற்றியடைய வேண்டும் என்றே தான் தொடங்கப்படுகிறது,.” என பதிலளித்துள்ளார் விஜய் சேதுபதி. மேலும், இந்தப் பேட்டிக்குப் பிறகு எந்தவொரு சேனலுக்குமே பேட்டியளிக்காமல் விஜய் சேதுபதி வெளியேறிவிட்டார் என்பது குறிப்பிடத்தக்கது.
வாசகர்கள் கருத்துகள்
முதல் நபராக கருத்து தெரிவியுங்கள்!