சிவகார்த்திகேயன் - ஏ.ஆர்.முருகதாஸ் படத்தின் அப்டேட்

அமரன் படத்தின் வெற்றிக்கு பின் இயக்குனர் ஏ.ஆர்.முருகதாஸ் இயக்கத்தில் நடிகர் சிவகார்த்திகேயன் அவரது 23வது படத்தில் நடித்து வருகிறார். இதில் கதாநாயகியாக ருக்மணி வசந்த் நடிக்கின்றார். வித்யூத் ஜம்வல், விக்ராந்த், சபீர், பிஜூ மேனன் ஆகியோர் முக்கிய கதாபாத்திரங்களில் நடிக்கின்றனர். அனிரூத் இசையமைக்க, ஸ்ரீ லஷ்மி மூவிஸ் நிறுவனம் தயாரிக்கின்றனர்.

ஏற்கனவே இந்த படத்தின் படப்பிடிப்பு 80 சதவீதம் நிறைவு பெற்றுள்ளது. இன்னும் இந்த படத்தின் பாடல் காட்சிகள் உள்ளிட்ட சில காட்சிகள் மட்டுமே மீதமுள்ளது. தற்போது முருகதாஸ் ஹிந்தியில் சல்மானை வைத்து சிக்கந்தர் என்ற படத்தை இயக்கி வருகிறார். இதன் படப்பிடிப்பு முடித்த பிறகு இந்த படத்தின் படப்பிடிப்பு துவங்கும் என்கிறார்கள்.

இதனிடையே இந்த படத்தின் தலைப்பு மற்றும் பர்ஸ்ட் லுக் போஸ்டரை வருகின்ற 2025ம் ஆண்டு பொங்கல் பண்டிகையையொட்டி வெளியிட திட்டமிட்டு வருவதாக கூறப்படுகிறது.