![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
புஷ்பா 2 வியாபார பாணியை பின்பற்றும் கேம் சேஞ்சர்
நவ 26, 2024
Advertisement
2024ம் ஆண்டில் எந்தப் படம் ஓடும், எந்தப் படம் ஓடாது என்பது கணிக்க முடியாத ஒன்றாகவே இருக்கிறது. பெரிதும் எதிர்பார்க்கப்பட்ட சில முன்னணி நடிகர்களின் படங்கள் வியாபார ரீதியில் நஷ்டமடைந்துள்ளது திரையுலகில் அதிர்ச்சியைக் கொடுத்துள்ளது. இந்த வருடம் ஒரு படம் கூட 500 கோடி வசூலைத் தாண்டவில்லை என்பது மற்றுமொரு அதிர்ச்சி.
நேரடிப் படங்களுக்கே இந்த நிலை என்றால் டப்பிங் படங்களைப் பற்றிச் சொல்ல வேண்டாம். இருந்தாலும் சில டப்பிங் படங்கள் குறிப்பிடத்தக்க லாபத்தைக் கொடுத்துள்ளன.
அடுத்த மாதம் டிசம்பர் 5ம் தேதி அல்லு அர்ஜுன் நடித்துள்ள "புஷ்பா 2" படம் தமிழகத்திலும் வெளியாக உள்ளது. 500க்கும் மேற்பட்ட தியேட்டர்களில் படத்தை வெளியிட உள்ளார்கள். இந்தப் படத்தை ஏஜிஎஸ் நிறுவனம் டிஸ்ட்டிரிபியூஷன் முறையில் படத்தை இங்கு வெளியிடுகிறது.
தற்போது அதே பாணியில்தான் ஷங்கர் இயக்கத்தில் ராம் சரண் நடிப்பில் உருவாகியுள்ள "கேம் சேஞ்சர்" படத்தையும் வெளியிட உள்ளார்களாம். இதன் மூலம் படம் ஓடினாலும், ஓடாவிட்டாலும் அதன் "ரிஸ்க்" தயாரிப்பாளரை மட்டுமே சாரும். பொங்கலுக்கு தமிழ்ப் படங்களும் வெளியாகும் என்பதால் இப்போதே வியாபாரத்தை பேசி முடித்துவிட்டார்களாம்.
வாசகர்கள் கருத்துகள்
முதல் நபராக கருத்து தெரிவியுங்கள்!