டிசம்பரில் கீர்த்தி சுரேஷிற்கு திருமணமா?

தமிழ், தெலுங்கு, ஹிந்தி என பரவலாக நடித்து வரும் கீர்த்தி சுரேஷ் அவ்வப்போது திருமண சர்ச்சைகளிலும் சிக்கிக் வருகிறார். சில ஆண்டுகளுக்கு முன்பு கேரளாவை சேர்ந்த ஒரு அரசியல் பிரமுகரை அவர் திருமணம் செய்ய இருப்பதாக கூறப்பட்டது. அதையடுத்து கீர்த்தி சுரேஷ் தரப்பில் இருந்து அதற்கு மறுப்பு தெரிவித்திருந்தார். கடந்த ஆண்டில் இசையமைப்பாளர் அனிருத்துடன் கீர்த்தி சுரேஷ் டேட்டிங் செய்து வருவதாகவும், விரைவில் திருமணம் செய்து கொள்ளப் போவதாகவும் ஒரு வதந்தி பரவியது. அதற்கும் கீர்த்தி சுரேஷின் தந்தை மறுப்பு செய்தி வெளியிட்டிருந்தார்.

தற்போது இந்த ஆண்டு டிசம்பரில் கீர்த்தி சுரேஷ் தனது உறவினர் ஒருவரை திருமணம் செய்து கொள்ளப் போவதாகவும், இது அவரது பெற்றோர் நிச்சயித்த திருமணம் என்றும் தற்போது ஒரு புதிய தகவல் பரவி வருகிறது. இந்த செய்தி உண்மையானதா? இல்லை இதுவும் வழக்கம்போல் வதந்தி தானா? என்பது கீர்த்தி சுரேஷ் தரப்பு விளக்கம் கொடுக்கும்போது தெரியவரும்.