![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
சிரஞ்சீவி, விஷ்ணுவர்த்தன் ஆகியோருக்கு ட்ப்பிங் பேசியவர் டெல்லி கணேஷ்
நவ 10, 2024
Advertisement
குணச்சித்திரம், நகைச்சுவை, வில்லன் என பலதரப்பட்ட கதாபாத்திரங்களில் நடித்த நடிகர் டெல்லி கணேஷ் நேற்றிரவு மாரடைப்பால் காலமானார். 400க்கும் மேற்பட்ட படங்களில் விதவிதமான கதாபாத்திரங்களில் அவருடைய இயல்பான நடிப்பால் ரசிகர்களைக் கவர்ந்தவர்.
அவர் ஒரு டப்பிங் கலைஞர் என்பதும் பலருக்கும் தெரிந்திருக்க வாய்ப்பில்லை. கன்னடத் திரையுலகத்தில் முக்கியமான கதாநாயகனாக இருந்த, மறைந்த நடிகர் விஷ்ணுவர்த்தன், தெலுங்கில் முன்னணி நடிகராக இருக்கும் சிரஞ்சீவி உள்ளிட்டோருக்கும் அவர் தமிழில் டப்பிங் பேசியுள்ளார்.
நடிகை லட்சுமி இயக்கத்தில் 1980ல் வெளிவந்த "மழலைப் பட்டாளம்" படத்தில் விஷ்ணுவர்த்தன் கதாநாயகனாக நடித்தார். அந்தப் படத்தில் அவருக்கு டப்பிங் பேசியது டெல்லி கணேஷ்தான். தமிழில் பாலசந்தர் இயக்கத்தில் சிரஞ்சீவி கதாநாயகனாக நடித்து 1981ல் வெளிவந்த "47 நாட்கள்" படத்திலும், தெலுங்கில் சிரஞ்சீவி நாயகனாக நடித்து 1990ல் வெளியாகி பெரும் வெற்றி பெற்ற "ஜகதக வீருடு அதிலோக சுந்தரி" படத்தின் தமிழ் டப்பிங்கான "காதல் தேவதை" படத்திலும் சிரஞ்சீவிக்கு டப்பிங் பேசியிருந்தார் டெல்லி கணேஷ்.
இவை தவிர மேலும் சில மொழி மாற்றப் படங்களுக்கும் டப்பிங் பேசியிருக்கிறார்.
வாசகர்கள் கருத்துகள்
முதல் நபராக கருத்து தெரிவியுங்கள்!