அடுத்தாண்டு ஏப்., 10ல் ‛இட்லி கடை ரிலீஸ்

‛ராயன்" படத்திற்கு பின் ‛நிலவுக்கு என் மேல் என்னடி கோபம்" என்ற படத்தை இயக்கி முடித்திருக்கிறார் தனுஷ். இதையடுத்து ‛இட்லி கடை" என்ற மற்றொரு படத்தையும் தற்போது இயக்கி வருகிறார். ஜிவி பிரகாஷ் இசையமைக்கும் இந்த படத்தில் ராஜ்கிரண், சத்யராஜ், அருண் விஜய், நித்யா மேனன், ஷாலினி பாண்டே ஆகியோர் இணைந்து நடித்து வருகின்றனர். சிறப்பு வேடத்தில் தனுஷ் நடிக்கிறார். ஜி.வி. பிரகாஷ் இசையமைக்கிறார். "டாவுன் பிக்சர்ஸ், வுன்டர்பார் பிலிம்ஸ், ரெட் ஜெயண்ட் மூவிஸ்" ஆகிய நிறுவனங்கள் இணைந்து இப்படத்தை தயாரிக்கின்றனர். இதன் படப்பிடிப்பு தற்போது தேனி மற்றும் அதன் சுற்றுவட்டார பகுதிகளில் நடைபெற்று வருகிறது. இந்த நிலையில் இந்த படத்தின் ரிலீஸ் தேதியை இன்று அறிவித்துள்ளனர். அதன்படி இந்த படம் அடுத்த வருடம் ஏப்ரல் 10ம் தேதி அன்று திரைக்கு வருகிறது என அறிவித்துள்ளனர்.