தமிழில் அறிமுகமாகும் சம்ரிதி தாரா

சமீபத்தில் மலையாளத்தில் அறிமுகமாகி சில படங்களில் நடித்து வருகிற மாடல் அழகி சம்ரிதி தாரா. பல அழகி போட்டிகளில் பட்டம் வென்ற இவர் தற்போது "மையல்" என்ற தமிழ் படத்தின் மூலம் தமிழுக்கு வருகிறார். இந்த படத்தில் அவர் "மைனா" படத்தில் போலீஸ் இன்ஸ்பெக்டர் பாஸ்கராக நடித்த சேது ஜோடியாக நடிக்கிறார். சேதுவும் நீண்ட இடைவெளிக்கு பிறகு இந்த படத்தின் மூலம் ரீ என்ட்ரி கொடுக்கிறார். ஏபிஜி.ஏழுமலை இயக்குகிறார்.

படம் பற்றி அவர் கூறியதாவது: ஒரு சாதாரண, அப்பாவி மனிதனின் உரிமைகள் மற்றும் வாழ்க்கையை நிலைநிறுத்தவும், பாதுகாக்கவும், சட்ட அமைப்பு எடுத்த தவறான முடிவுகளால் உண்மையான காதல் சிதைந்து விடுகிறது. இப்படி பாதிக்கப்பட்டவரின் கொந்தளிப்பான மனநிலையை மையக்கதையாகக் கொண்டது இந்தப் படம் திருவண்ணாமலைக்கு அருகில் அமைந்துள்ள கல்வராயன் மலையின் அழகிய இடங்களிலும் அதைச் சுற்றியுள்ள பகுதிகளிலும் முழுப் படமும் படமாக்கப்பட்டுள்ளது. படத்தின் மொத்த படப்பிடிப்பும் 37 நாட்களில் நிறைவடைந்துள்ளது. என்றார்.