
மகளையும், மருமகனையும் வைத்து படம் எடுக்க போகும் அர்ஜூன்
இதேபோல தம்பி ராமய்யாவின் மகன் உமாபதி "அதாகப்பட்டது மக்களே" என்ற படத்தின் மூலம் அறிமுகமானார். அந்த படம் வரவேற்பை பெறவில்லை தொடர்ந்து திருமணம், தண்ணிவண்டி படங்களில் நடித்தார். அதுவும் கைகொடுக்கவில்லை. மகனுக்காக தம்பி ராமய்யா தயாரித்து இயக்கிய படம் "மணியார் குடும்பம்". இதுவும் வரவேற்பை பெறவில்லை.
இந்த நிலையில்தான் உமாபதியும், ஐஸ்வர்யாவும் காதலித்து திருமணம் செய்து கொண்டனர். திருமணம் முடிந்தாலும் இவருக்குள்ளும் இருக்கும் நடிப்பு ஆசை முடியவில்லை. இதனால் தற்போது இருவரையும் ஜோடியாக நடிக்க வைத்து ஒரு படத்தை தயாரித்து இயக்க அர்ஜூன் முடிவு செய்திருக்கிறார். இதற்கான அறிவிப்பு விரைவில் வெளியாக இருக்கிறது. படத்தை அர்ஜூன் தயாரிக்க மட்டுமே செய்கிறார், இயக்குவது ஒரு அறிமுக இளம் இயக்குனர் என்ற தகவலும் வெளியாகி உள்ளது.
அர்ஜூன் தற்போது தனது சகோதரி மகன் துருவா சார்ஜா நடித்துள்ள பான் இந்தியா படமான "மார்ட்டின்"-னுக்கு கதை எழுதி உள்ளார். இதை ஏபி அர்ஜூன் என்பவர் இயக்கி உள்ளார். அக்., 11ல் படம் ரிலீஸாகிறது.




















வாசகர்கள் கருத்துகள்
முதல் நபராக கருத்து தெரிவியுங்கள்!