ஆகஸ்ட் 15ல் தங்கலான், அந்தகன் ரிலீஸ்

விக்ரம் நடிப்பில் எதிர்பார்க்கப்படும் படம் "தங்கலான்". பார்வதி, மாளவிகா மோகனன், பசுபதி, உள்ளிட்ட பலர் நடித்துள்ளனர். ஜி.வி.பிரகாஷ் இசையமைத்துள்ளார். ரஞ்சித் இயக்கி உள்ளார். ஞானவேல் ராஜா படத்தை தயாரித்துள்ளார். கோலார் தங்க வயல் பின்னணியில் பீரியட் படமாக உருவாகியுள்ளது.

விக்ரம் கேரியரில் இந்த படம் முக்கியமானதாக கருதப்படுகிறது. இப்படத்தின் டிரைலர் அண்மையில் வெளியாகி ரசிகர்களிடையே வரவேற்பை பெற்றது. இந்த படத்தின் ரிலீஸ் தள்ளிக் கொண்டே போன நிலையில் தற்போது ஆகஸ்ட் 15-ம் தேதி வெளியிடப்படுவதாக அதிகாரபூர்வமாக அறிவிக்கப்பட்டுள்ளது.

இதேப்போன்று தியாகராஜன் இயக்கத்தில் அவரது மகனும், நடிகருமான பிரசாந்த் நடிப்பில் நீண்டகால தயாரிப்பில் உள்ள படம் ‛அந்தகன்". பிரியா ஆனந்த், சிம்ரன் உள்ளிட்ட பலர் நடித்துள்ளனர். சமீபத்தில் டிரைலர் வெளியான நிலையில் ஆக., 15ல் படம் ரிலீஸ் என அறிவித்துள்ளனர்.