வீஜே விஜய் மனைவியாக நடிக்கும் அஞ்சலி நாயர்

"டாடா" படத்தை தொடர்ந்து ஒலிம்பியா மூவீஸ் அம்பேத்குமார் தயாரிக்கும் படம் "வொய்ப்". இதில் வீஜே விஜய் முதன் முறையாக கதையின் நாயகனாக நடிக்கிறார். இதற்கு முன் சில படங்களில் நடித்திருந்தாலும் கதை நாயகனாக நடிக்கும் முதல் படம் இது. இதில் அவருக்கு ஜோடியாக அதாவது அவரது மனைவியாக அஞ்சலி நாயர் நடிக்கிறார். இந்த படம் திருமணமான புதுமண தம்பதிகளுக்கு இடையிலான ஊடலையும், கூடலையும் காமெடியாக சொல்லும் படம்.

படத்தை ஆர்.ஹேமநாதன் இயக்குகிறார், ஜென் மார்ட்டின் இசை அமைக்கிறார். ரெடின் கிங்ஸ்லி, அபிஷேக் ஜோசப், கல்யாணி நடராஜன், விஜய் பாபு, லல்லு, கதிர் மற்றும் பலர் நடித்துள்ளனர். தற்போது இதன் படப்பிடிப்பு நிறைவடைந்துள்ளது.