![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
விஜய் உடன் லிப்டில் எடுத்த ‛மிரர் செல்பி: போட்டோ பகிர்ந்து வாழ்த்திய திரிஷா
ஜூன் 23, 2024
Advertisement
நடிகர் விஜய்யின் 50வது பிறந்தநாள் நேற்று (ஜூன் 22) கொண்டாடப்பட்டது. இதனையடுத்து இயக்குனர்கள் அட்லி, நெல்சன் திலீப்குமார், லோகேஷ்கனகராஜ், வெங்கட்பிரபு, ஏ.எல்.விஜய் உள்ளிட்டோரும், கமல்ஹாசன், சாந்தனு, கவின் உள்ளிட்ட நடிகர்களும் வரிசையாக வாழ்த்து தெரிவித்திருந்தனர்.
நடிகைகளில், கீர்த்தி சுரேஷ் சற்று தாமதமாக நேற்று இரவு விஜய்க்கு பிறந்தநாள் வாழ்த்து தெரிவித்தார். இருவரும் ஒன்று போல் நீல நிற உடை அணிந்து நிற்கும் புகைப்படத்தை பகிர்ந்து, விஜய்க்கு பிறந்தநாள் வாழ்த்துகளை கூறிவிட்டு இறுதியில் ‛அன்புடன் சுரேஷ்ஷ்ஷ்" எனவும் பதிவிட்டுள்ளார்.
விஜய் உடன் பல படங்களில் ஜோடியாக நடித்த நடிகை திரிஷா நேற்று முழுவதும் வாழ்த்து தெரிவிக்காத நிலையில், இன்று தனது ‛எக்ஸ்" பக்கத்தில் விஜய் உடன் இருக்கும் புகைப்படத்தை வெளியிட்டு வாழ்த்து கூறி இருக்கிறார். அதில் விஜய் கருப்பு நிற உடையில் ஸ்டைலாக போஸ் கொடுத்துள்ளார். இருவரும் லிப்டில் பயணிக்கும் போது ‛மிரர் செல்பி" எடுத்துள்ளனர். அந்த போட்டோ இப்போது இணையத்தை கலக்கிக் கொண்டிருக்கிறது.
வாசகர்கள் கருத்துகள்
முதல் நபராக கருத்து தெரிவியுங்கள்!