பைரவா ஆந்தம் படப்பிடிப்பிற்கு வருகை தந்த பிரபாஸின் சகோதரிகள்

பிரபாஸ் நடிப்பில் நாக் அஸ்வின் இயக்கத்தில் விரைவில் வெளியாக இருக்கும் படம் கல்கி 2898 ஏடி. கமல்ஹாசன், அமிதாப் பச்சன், தீபிகா படுகோனே, திஷா பதானி உள்ளிட்ட பல பிரபலங்கள் நடித்துள்ள இந்த படம் ஒரு சயின்ஸ் பிக்ஷன் படமாக உருவாகியுள்ளது. இந்த படத்தில் பைரவா என்கிற கதாபாத்திரத்தில் பிரபாஸ் நடிக்க அவரது நண்பனாக புஜ்ஜி என்கிற கதாபாத்திரத்தில் ஒரே ரோபோ காரும் நடித்துள்ளது. சமீப நாட்களாக இந்த புஜ்ஜி கார் ரசிகர்கள் மத்தியில் அறிமுகப்படுத்தப்பட்டு மிகப்பெரிய அளவில் வரவேற்பை பெற்று வருகிறது.

இந்த நிலையில் இந்த படத்தின் புரமோஷன் நிகழ்ச்சியின் ஒரு பகுதியாக பைரவா ஆந்தம் தயாராகி உள்ளது. நேற்று வெளியாகியுள்ள இந்த பாடலில் பிரபாஸ் சீக்கியர் கெட்டப்பில் நடித்துள்ளார். இந்த நிலையில் இதன் படப்பிடிப்பின்போது பிரபாஸின் இரண்டு சகோதரிகளும் படப்பிடிப்பு தளத்திற்கு வருகை தந்து பிரபாஸ் உடன் இணைந்து எடுத்துக்கொண்ட புகைப்படம் ஒன்று சோசியல் மீடியாவில் வைரலாக பரவி வருகிறது.