![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
சீடன் படத்தில் விட்டதை கருடன் படத்தில் பிடித்த உன்னிமுகுந்தன்
ஜூன் 06, 2024
Advertisement
மலையாளத் திரையுலகத்தின் முன்னணி நடிகர்களில் ஒருவர் உன்னி முகுந்தன். 13 வருடங்களுக்கு முன்பே தமிழில் "சீடன்" என்ற படத்தில் முதன் முதலாக நடித்திருந்தார். சுப்பிரமணிய சிவா இயக்கத்தில் தனுஷ் மற்றும் பலர் அப்படத்தில் நடித்திருந்தனர். ஆனால், அப்படம் வெற்றி பெறவில்லை. அதன் பிறகு தமிழில் அவர் எந்தப் படங்களிலும் நடிக்கவேயில்லை.
இத்தனை ஆண்டுகளுக்குப் பிறகு தமிழில் அவர் நடித்த "கருடன்" படம் கடந்த வாரம் வெளிவந்தது. அவரது நடிப்பிற்கும் ரசிகர்களும், விமர்சகர்களும் பாராட்டுக்களைத் தெரிவித்து வருகிறார்கள். "சீடன்" படத்தில் விட்டதை "கருடன்" படத்தில் பிடித்துவிட்டார். அடுத்து தமிழில் நடிக்க அவரைத் தேடி வாய்ப்புகள் வர ஆரம்பித்துவிட்டதாம். நல்ல கதையும், கதாபாத்திரமும் கொண்ட படங்களில் தொடர்ந்து நடிக்க அவரும் முடிவு செய்துள்ளாராம்.
மலையாள நடிகர்களுக்கு தமிழில் நடிக்க எப்போதுமே ஆசை உண்டு. தற்போதைக்கு பஹத் பாசில் தான் இங்கு குறிப்பிடும்படியான வரவேற்பைப் பெற்றுள்ளார். அவரைத் தொடர்ந்து பலரும் இங்கு ஒரு இடத்தைப் பிடிக்க முயற்சித்து வருகிறார்கள்.
வாசகர்கள் கருத்துகள்
முதல் நபராக கருத்து தெரிவியுங்கள்!