![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
கார் விபத்தில் சிக்கிய லியோ நடிகரின் குடும்பம் ; உறவினர் ஒருவர் பலி
மே 16, 2024
Advertisement
மலையாளத்தில் சமீப வருடங்களில் வளர்ந்து வரும் இளம் நடிகராக ரசிகர்களிடம் வரவேற்பை பெற்றவர் நடிகர் மேத்யூ தாமஸ். தமிழில் லோகேஷ் கனகராஜ் இயக்கிய லியோ படத்தில் விஜய் மற்றும் திரிஷாவின் மகனாக நடித்திருந்தவர் இவர்தான். அது மட்டுமல்ல மாளவிகா மோகனனுக்கு ஜோடியாக நடித்தும் பரபரப்பு வளையத்திற்குள் வந்தவர். தற்போது படங்களில் பிசியாக நடித்து வருகிறார்.
இந்த நிலையில் மேத்யூ தாமஸின் குடும்பத்தினர் மற்றும் சில உறவினர்கள் ஒரு விசேஷ நிகழ்வில் கலந்து கொண்டு ஜீப்பில் வீடு திரும்பி கொண்டிருந்தனர். காரை மேத்யூ தாமஸின் சகோதரர் ஓட்டி வந்துள்ளார். அப்போது கொச்சின் அருகில் உள்ள நெடுஞ்சாலையில் சாஸ்தா முகை என்கிற இடத்தில் திடீரென கட்டுப்பாட்டை இழந்த கார் விபத்தில் சிக்கியது.
காரில் பயணித்தவர்கள் அனைவரும் படுகாயம் அடைந்த நிலையில் அருகில் இருந்த மருத்துவமனைக்கு கொண்டு செல்லப்பட்டனர். மருத்துவமனைக்கு செல்லும் வழியிலேயே இவர்களது 61 வயதான உறவினர் ஒருவர் உயிரிழந்தார். மற்றவர்களுக்கு தீவிர சிகிச்சை அளிக்கப்பட்டு வருகிறது. மேத்யூ தாமஸ் படப்பிடிப்பில் கலந்து கொண்டு நடித்து வருவதால் இவர்களுடன் செல்லவில்லை என்பது தெரிய வந்துள்ளது.
வாசகர்கள் கருத்துகள்
முதல் நபராக கருத்து தெரிவியுங்கள்!