கேம் சேஞ்சர் படப்பிடிப்பில் இருந்து லீக்கான ராம்சரணின் புதிய லுக்

இயக்குனர் ஷங்கர் இயக்கத்தில் ராம்சரண் தெலுங்கில் நடித்து வரும் படம் கேம் சேஞ்சர். ஆர்ஆர்ஆர் படத்தை தொடர்ந்து ராம் சரண் நடிக்க ஒப்புக் கொண்ட இந்த படம் கொரோனா காலகட்டத்தில் துவங்கப்பட்டது. அதன் பின் இந்தியன்-2வையும் இந்த படத்தையும் இயக்குனர் ஷங்கர் மாறி மாறி இயக்கி வருவதால் கேம் சேஞ்சர் படப்பிடிப்பும் ரிலீஸும் தாமதமாகி வருகிறது. இந்த நிலையில் இந்த படத்தின் படப்பிடிப்பு இறுதி கட்டத்தை எட்டியுள்ளது.

தற்போது ஐதராபாத்தில் நடைபெற்று வரும் இந்த படத்தின் படப்பிடிப்பில் ராம்சரண் மிகப்பெரிய கூட்டத்தை பார்த்து உரையாற்றுவது போல காட்சிகள் படமாக்கப்பட்டு வருகின்றன. இதில் கிளீன் ஷேவ் செய்த முகத்துடன் ராம்சரணின் புதிய தோற்றம் குறித்த புகைப்படம் ஒன்று சோசியல் மீடியாவில் தற்போது லீக் ஆகி உள்ளது. இதுவரை தாடி வைத்த ராம்சரணையே பல நாட்களாக பார்த்து வந்த ரசிகர்களுக்கு இந்த புதிய தோற்றம் மகிழ்ச்சியை கொடுத்துள்ளது.