குணா படமே காப்பிதானே : டிரோல் செய்யும் எதிர் ரசிகர்கள்

சந்தானபாரதி இயக்கத்தில், இளையராஜா இசையமைப்பில், கமல்ஹாசன், ரோஷினி மற்றும் பலர் நடிப்பில் 1991ம் ஆண்டு தீபாவளிக்கு வந்த படம் "குணா". கடந்த வாரம் வெளியான "மஞ்சும்மேல் பாய்ஸ்" படம் "குணா" படம் படப்பிடிக்கப்பட்ட அதே குகையை மையமாக வைத்து எடுக்கப்பட்டுள்ள படம். தமிழகத்திலும் ரசிகர்களின் பலத்த வரவேற்பில் இப்படம் ஓடிக் கொண்டிருக்கிறது.

இதனிடையே, "குணா" படம் இத்தனை வருடங்களுக்குப் பின்பும் கொண்டாடும் ஒரு படமாக இருக்கிறது என கமல்ஹாசன் ரசிகர்கள் பெருமிதமாய் கூறி வருகிறார்கள். ஆனால், வேறு சில எதிர் ரசிகர்களோ "குணா" படமே 1989ல் வெளிவந்த ஸ்பானிஷ் படமான "டை மி அப், டை மி டவுன்" படத்தின் காப்பிதானே என அந்த ரசிகர்கள் கிண்டலடித்து வருகிறார்கள்.

அப்படத்தின் கதாநாயகன் கதாபாத்திரம் மன வளர்ச்சி குன்றிய ஒரு கதாபாத்திரம். அதைத் தழுவித்தான் "குணா" படத்தில் கமல்ஹாசன் கதாபாத்திரம் வடிவமைக்கப்பட்டுள்ளதாம். அப்படத்தின் சில காட்சிகளையும் "குணா" படத்தில் பயன்படுத்தியுள்ளதாக டிரோல் செய்து வருகிறார்கள்.

கமல்ஹாசன் நடிப்பில் வெளிவந்த சுமார் 20 படங்கள் ஹாலிவுட் படங்களின் அதிகாரப்பூர்வமற்ற தழுவல்தான் என்பது பலருக்கும் தெரிந்த ஒன்றுதான்.