மூன்று கோடிக்கு தங்க கேக் வெட்டி பிறந்தநாள் கொண்டாடிய நடிகை ஊர்வசி ரவுடேலா

பாலிவுட்டின் பிரபல நடிகை ஊர்வசி ரவுடேலா. தமிழில் அருள் சரவணன் நடித்த லெஜண்ட் படத்தில் நாயகியாக நடித்தார். தற்போது கன்னட, தெலுங்கு படங்களில் நடித்து வருகிறார். நேற்று (பிப்., 25) அவர் தன்னுடைய 30வது பிறந்தநாளை கொண்டாடினார். அப்போது ஊர்வசிக்கு 24 காரட் தங்க முலாம் பூசப்பட்ட கேக்கை பாடகர் யோ யோ ஹனி சிங் என்பவர் பரிசாக அளித்து இருக்கிறார். இதன் மதிப்பு மூன்று கோடி என்கிறார்கள்.

அவர் கூறும்போது, ‛‛ஊர்வசி ரவுட்டாலா உலகிலேயே அழகான பெண். அதனால்தான் இந்த தங்க கேக்கை பிறந்தநாளுக்கு பரிசாக அளித்தேன்"" என்று தெரிவித்துள்ளார் ஹனி சிங்.

ஊர்வசி வெளியிட்ட பதிவில் ‛‛எனது திரைப்பயணத்தில் ஓர் அங்கமாக இருக்கும் யோயோ ஹனி சிங்கிற்கு நன்றி"" என பதிவிட்டுள்ளார் ஊர்வசி.

இந்த தங்க முலாம் பூசப்பட்ட பிறந்தநாள் கேக் குறித்த வீடியோவை தனது இன்ஸ்டாகிராமில் வெளியிட்டு இருக்கிறார் ஊர்வசி. அவை வைரலாகின.